Stuhi të tilla bore që rrallë përfshijnë Ultësirën perëndimore kanë shkaktuar probleme në aksin Lezhë-Milot.
Ministria e Mbrojtjes (MB) ka bërë te ditur përmes një njoftimi në median sociale “Facebook” se Forcat e Armatosura janë angazhuar menjëherë për të ndihmuar sadopak lehtësimin e situatës.
“Një mjet çisternë i Forcat Armatosura (FA) ka mbërritur për të furnizuar mjetet e mbetura pa karburant, ndërkohë që trupat Komando po ndihmojnë edhe me krahë zhvendosjen e makinave të bllokuara”, njofton ministria.
Si pasojë e reshjeve të borës, më 13 shkurt ka pasur bllokim të aksit rrugor Elbasan- Librazhd. Në vendngjarje ishin forca të Policisë së Shtetit dhe firma kontraktore, të cilat kanë punuar për normalizimin e situatës. Nga informacioni i marrë më 14 shkurt aksi rrugor është i kalueshëm pjesërisht me zinxhirë.
Forcat e Armatosura në bashkëpunim me Policinë e Shtetit kanë rritur gatishmërinë në të gjithë vendin për t’u ardhur në ndihmë qytetarëve.
Aktualisht trupat dhe mjetet e FA janë të angazhuara në zonën e Nënshkodrës për të ndihmuar lëvizjen e qytetarëve në njësitë administrative Ana e Malit dhe Dajç, të prekura nga përmbytjet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës