Të enjten e 27 janarit, do të nis zyrtarisht, procesi i votimit të anëtarëve të jurisë për çmimet e Akademisë së Filmit, “Oscars 2022”.
Për të parën herë, Kosova është futur në listën e ngushtë të filmave pretendentë për t’u nominuar në kategorinë “Filmi më i mirë ndërkombëtar”, me filmin “Zgjoi”.
Ndërkaq, regjisorja e filmit, Blerta Basholli bashkë me aktoren e rolit kryesor, Yllka Gashi e producentin, Ylli Uka, kanë nisur një kampanjë virtual promovimi të “Zgjoit” nëpër mediat sociale.
Ekipi organizativ i filmit kanë realizuarnjë baner me sloganin – “Kosova’s Official Entry for Oscars (Hyrja Zyrtare e Kosovës për Oscars)”, bashkangjitur më disa hashtagë – këta të fundit për shpërndarje sa më virale të postimit.
Gjithashtu, ata kanë bërë të ditur që me anë të këtij promovimi synojnë të ndikojnë në reklamacionin e arenës ndërkombëtare.
“Bazuar në një histori të vërtetë frymëzuese, ‘Hive (Zgjoi)’ tregon historinë e fuqizimit, qëndrueshmërisë dhe triumfit të Fahrije Hotit dhe grave të Krushës në një situatë kur heqja dorë po troket në derën tuaj”, ka shkruar regjisorja e filmit Blerta Basholli në Facebook.
Ndërkohë, edhe aktorja Yllka Gashi, e cila në film paraqitet në rolin e Fahrijes, ka kërkuar nga ndjekësit e saj “shpërndarje sa më të madhe të imazhit në mediat sociale”.
“Të dashur miq; Nesër fillon votimi i anëtarëve të Akademisë Amerikane për të nominuar filmat për Oscars 2022. Kosova për herë parë është në listën e ngushtë me gjasa reale për të siguruar një nominim”.
“Duke ju falenderuar për përkrahjen e jashtëzakonshme që na e keni bërë gjatë krejt kësaj kohe, ju lus që ta shpërndani sa më shumë fotografinë e filmit tonë në rrjete sociale”, ka shkruar Gashi.
Gjithsesi, lista e plotë e nominimeve të “Oscars 2022” do të njoftohet në mënyrë zyrtare më datën 8-të, të muajit shkurt.
Për detaje rreth filmit “Zgjoi”, inspirimit, historisë dhe triumfit të çmimeve nëpër kompeticione vendore e ndërkombëtare, ndiqeni intervistën e regjisores, Basholli dhe të producentit, Uka – dhënë për Albanian Post.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
Lajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in