Ata janë rreth 8 mijë e 500 dhe janë në gatishmëri të plotë për t’u nisur menjëherë drejt Ukrainës, nëse nevoja lind.
SHBA-të dhe aleatët e NATO-s, kanë vënë në gjendje të gatshme këtë numër ushtarësh si ndihmë për Ukrainën, e cila përballet në kufi me 100 mijë ushtarë rusë, në rajonin e Donbas-it.
Presidenti amerikan, Joe Biden, ka parashikuar po ashtu të mbajë një telefonatë me aleatët evropianë dhe fuqitë perëndimore mbi çështjen e Ukrainës. E gjithë kjo, pas lëvizjes së paparashikuar amerikane, për të tërhequr stafin jothelbësor diplomatik nga Kievi, si pasojë e rrezikut të përshkallëzimit të konfliktit.
Nga ana e Pentagonit, është thënë gjithsesi se një sinjal i qartë për nisjen e trupave, ende nuk ka ardhur. Ndaj, ata janë në pritje.
“Do të ndodhë vetëm nëse vendimi merret nga aleanca e NATO-s, për një reagim të shpejtë. Ose, nëse situata, sheh një përshkallëzim të paparashikuar”.
Kështu tha John Kirby, zëdhënësi për shtyp i Pentagonit, duke shtuar se kjo lëvizje, tregon qartësisht përkushtimin amerikan ndaj situatës.
Nga ana tjetër, disa aleatë si Danimarka, Spanja, Bullgaria dhe Holanda, kanë nisur të dërgojnë avionë luftarakë drejt Ukrainës. E gjithë kjo, po ndodh si një lloj mobilizimi për t’u mbrojtur nga kërcënimi rus.
Gjatë fundjavës sakaq, rreth 90 tonë ndihma ushtarake kanë shkuar nga SHBA-të drejt Ukrainës. Në to, janë përfshirë edhe armatime të vijës së parë.
Po ashtu, midis krerëve më të rëndësishëm evropianë dhe Biden-it, së bashku me sekretarin e Përgjithshëm të NATO-s, Jens Stoltenberg, është rakorduar qasja mbi problemin ukrainas.
Në një videokonferencë të radhës, do të jenë pjesë edhe presidentja e Komisionit Evropian, Ursula von der Leyen dhe ai i Këshillit të Evropës, Charles Michel.
Tensionet në Ukrainë ndërkohë vijojnë të mbeten të larta.
Vladimir Putin, sërish, ka gjetur një aleat në figurën e Alexander Lukashenkos, i cili është i gatshëm të dërgojë trupa në kufirin me Ukrainën.
Por, një përgjigje e parë ofensive, ka ardhur edhe nga numri një i Kievit, Volodymyr Zelensky, i cili ka lënë të nënkuptohet se ofensiva, mund të jetë mbrojtja e re e Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”