Bashkimi Evropian i bëri thirrje Moskës zyrtare që të lirojë menjëherë Alexei Navalny-n, kritikun më të zëshëm të presidentit rus Vladimir Putin.
Ky i fundit, u burgos një vit më parë në atë që BE-ja e dënoi si “një akt të motivuar politikisht”.
“Sot shënon një vit nga arrestimi dhe burgimi i politikanit të opozitës rus Alexei Navalny pas kthimit të tij në Rusi nga trajtimi mjekësor në Berlin”, deklaroi shefi i politikës së jashtme të BE-së, Josep Borrell.
Borrell ka përsëritur thirrjen ndaj autoriteteve ruse për lirimin e tij të menjëhershëm dhe të pakushtëzuar pa vonesa të mëtejshme.
Shefi i diplomacisë evropiane dënoi gjithashtu atë që ai e quajti një fushatë të vazhdueshme dezinformimi kundër Navalny-t.
Autoritetet ruse në muajt e fundit kanë goditur grupet e lidhura me aktivistin 45-vjeçar.
Situata
Navalny po vuan dy vjet e gjysmë burg për shkelje të lirimit me kusht.
Në qershor, një gjykatë ruse vendosi se fondacioni kundër korrupsionit i Navalny ishte “ekstremist”.
Navalny u dërgua në Gjermani për trajtim mjekësor në gusht të vitit 2020 pasi u helmua në Siberi.
Ekspertët perëndimorë arritën në përfundimin se shkaku ishte agjenti nervor ushtarak “Novichok”.
Qeveria ruse ka mohuar se qëndron pas helmimit dhe ka hedhur poshtë gjetjet e ekspertëve.
Vlerësimi
Udhëheqësi i opozitës ruse, u vlerësua në muajin tetor të vitit 2021 me çmimin “Sakharov Për Lirinë e Mendimit”.
Ky është çmimi më i lartë i BE-së për mbrojtjen e të drejtave të njeriut.
Çmimi u zgjodh nga drejtuesit e partive politike të përfaqësuara në Parlamentin Evropian (PE), gjatë një sesioni plenar në Strasburg.
Navalny, armiku më i shquar i presidentit rus, Vladimir Putin, u nominua përkrah grave afgane.
Pjesë e nominimit ishte dhe Jeanine Áñez, një politikane boliviane e cila u bë presidente e përkohshme në vitin 2019.
Fituesit e parë të këtij çmimi ishin Nelson Mandela dhe Anatoli Marchenko.
“Çmimi i sotëm njeh trimërinë e tij të pamasë dhe ne përsërisim thirrjen për lirimin e menjëhershëm të Navalny-t”, do të deklaronte i ndjeri David Sassoli, në një postim në Twitter.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tension në protestën e opozitës para Bashkisë së Tiranës, qytetarët heqin kordonin policor
-
Putini betohet në mandatin e tij të pestë si president
-
Kosova e Serbia s’mund të përfitojnë nga miliardat e BE-së pa i normalizuar raportet