Drejtori i Përgjithshëm i Policisë së Shtetit në Tiranë, Gledis Nano, të martën e 11 janarit ka firmosur për një sërë ndryshimesh në Sektorët e Policisë Rrugore nëpër qarqe.
Sipas autoriteteve, Ali Yzeiri, deri tani shef i Sektorit të Policisë Rrugore në Drejtorinë Vendore Policore (DVP) Berat, është transferuar dhe emëruar specialist në Drejtorinë e Policisë Rrugore.
Specialisti në Drejtorinë e Policisë Rrugore, Valentin Florini, është emëruar shef i Sektorit të Policisë Rrugore në DVP Fier.
Ndërsa, Ylli Kondi, i cili ka qenë në rolin e shefit të Sektorit të Policisë Rrugore në DVP Fier, është transferuar shef i Sektorit të Policisë Rrugore në DVP Berat.
Gjithashtu dhe shef i Analizës dhe Informacionit Kriminal në DVP Fier, Janaq Zarka, është transferuar dhe emëruar shef i Sektorit të Policisë Rrugore në DVP Vlorë.
Një tjetër punonjës i ndërruar është Naun Doko, i cili deri në këtë kohë ka qenë shef i Sektorit të Policisë Rrugore në DVP Vlorë.
Ai është transferuar dhe emëruar shef i Sektorit të Policisë Rrugore në DVP Gjirokastër.
Altin Dervishaj, shefi i Sektorit të Policisë Rrugore në DVP Gjirokastër, është transferuar dhe emëruar shef i Sektorit të Policisë Rrugore në DVP Shkodër.
I fundit i prekur nga ndryshimet është Valmir Nikolli, i cili ka qenë shef i Sektorit të Policisë Rrugore në DVP Shkodër, është transferuar dhe emëruar në Akademinë e Sigurisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit