Serie A ka filluar javën e 19-të, dhe në fokus kanë qenë Atalanta dhe Juventus.
Të dy skuadrat janë përballur me skuadra në zonën e ftohtë të tabelës, me njërën që ka pasur sukses dhe tjetrën që gaboi përsëri.
Pas humbjes 1-4 nga Roma, Atalanta nuk arriti të gjejë vetën për të gjetur fitoren në fushën e Genoa-s, që kishte humbur katër ndeshjet e fundit.
Edhe pse takimi ishte në tërësi i dominuar nga Atalanta, skuadra e Gasperini-t nuk arriti të gjejë golin.
Kështu, Atalanta gabon dhe lëshon edhe më shumë terren në luftën për titull, duke rrezikuar edhe vendin e katërt me skuadrat tjera që po afrohen nga prapa.
Nga gabimi i Atalanta-s, direkt përfitoi Juventus-i.
Zonja e vjetër ishte nikoçire e Cagliari-t në “Allianz Stadium”, dhe ndeshjen e menaxhoi shumë mirë.
Numrin me fat, ata e kishin zgjidhur 40-shin.
Në minutën e 40 të secilës pjesë, Juventus-i e gjeti golin duke arritur një fitore të pastër me rezultat 2-0.
Në pjesën e parë, ishte Moise Kean ai që gjeti rrugën e rrjetës, pas pasimit nga Bernardeschi.
Ky i fundit ishte protagonist përsëri, këtë herë duke e gjetur rrugën e rrjetës.
Me këtë fitore Juventus ngjitet në kuotën e 34 pikëve, përkohësisht në vendin e pestë.
Bardhezinjtë kanë tani vetëm katër pikë më pak se Atalanta, dhe lufta për një vend në Champions është më e hapur se asnjëherë më parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog