Real-i barazoi, Barcelona humbi.
Dita e enjte në kuadër të javës së 11-të në elitën e futbollit spanjoll, mund të shërbejë që ekipe si Atletico Madrid dhe Real Sociedad të përfitojnë në maksimum.
Në fakt, e vetmja skuadër që mund t’ia marrë kreun Real Madrid-it këtë javë, është skuadra baske, Real Sociedad.
Ata edhe e nisin ditën sot, në orën 19:00.
Skuadra e Imanol Alguacil ka disa mungesa në vizitën e tyre te Celta Vigo, që kërkon shkëputjen nga zona e ftohtë.
Sociedad ka 21 pikë, aq sa kanë Betis-i, pastaj Sevilla dhe Real-i që kanë një ndeshje më tepër për të zhvilluar.
Një fitore sonte, do t’i ngriste ata të vetmuar në krye, të paktën për 48 orë.
Ndeshja që fillon në orën 20:00, luhet direkt për mbijetesën.
Granada në “Los Carmenes”, pret Getafe-n që pas dhjetë ndeshjesh ka pasur një fillim katastrofal, me dy pikë.
Një tjetër skuadër që ende nuk ka gjetur fitoren luan sonte si vendas, përballë pretendentëve për titullin.
Levante e pesë barazimeve dhe pesë humbjeve, ende pa asnjë fitore, pret Atletico Madrid-in në “Cituat de Valencia”.
Derisa Levante kërkon shkëputjen nga zona e ftohtë, Atleti kërkon ngjitjen me kreun.
Ndeshja pritet të jetë shumë interesante, me të dyja skuadrat që fitoren e kanë pothuajse të detyruar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Rrëzohet kërkesa e Jorgo Goros për zëvendësim të masës së sigurisë
-
Netanyahu: Izraeli do të futet në Rafah me ose pa marrëveshje për armëpushim
-
BBC pyet Kurtin: Pse e latë Radoiçiçin të lirë kur e kishit rrethuar?
