Leicester City ka mposhtur skuadrën e Spartak Moskës me rezultat 3:4, në kuadër të xhiros së tretë të grupeve në Ligën e Evropës.
Protagonist kryesor i kësaj ndeshje ishte futbollisti Patson Daka, i cili i shënoi katër gola për skuadrën angleze.
Vendasit nga kryeqyteti i Rusisë e nisën ndeshjen më mirë, duke kaluar në epërsi të dyfishtë në pjesën e parë, ku në minutën e 11-të realizoi Alexander Sobolev dhe në të 44-tën shënoi Jordan Larsson.
Në momentet e fundit të pjesës së parë, Daka ngushtoi epërsinë, për rezultatin e pjesës së parë në 1:2.
Me të filluar pjesa e dytë, Daka përmbysi epërsinë e Spartak-ut, duke shënuar dy gola në minutat 48 dhe 54.
Futbollisti nga Zambia ishte i pandalshëm dhe në minutën e 79-të shënoi golin e tij të katërt dhe njëkohësisht të katërtin për ekipin e tij.
Rusët më pas provuan të rikthehen në lojë në pesë minuta para përfundimit të kohës së rregullt, me golin e realizuar nga Alexander Sobolev, por ky doli të jetë vetëm për shifrat përfundimtare në 3:4.
Me këtë fitore, Leicester ngjitet në vendin e dytë të Grupit C, me katër pikë të grumbulluara, ndërsa Spartak ka një pikë më pak në vendin e tretë.
Momentalisht grupit i prinë Legia me gjashtë pikë, kurse befasuese është pozita e fundit nga Napoli, me vetëm një pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit