Emisari i posaçëm i BE-së për Dialogun Beograd-Prishtinë, Miroslav Lajçak, gjatë vizitës së tij në Kosovë nga 15 deri më 17 shtator 2021, ka zhvilluar takime me liderët e institucioneve të Republikës së Kosovës dhe me partitë opozitare në vend.
Diskutimet e tij me zyrtarët kosovar janë zhvilluar rreth hapave të ardhshëm në dialogun Kosovë-Serbi, të lehtësuar nga Bashkimi Evropian.
Në një komunikatë për media të BE-së thuhet se z.Lajçak mbajti takime thelbësore me dy bashkëbiseduesit e tij kryesorë në Kosovë, Kryeministrin Albin Kurti dhe zëvendëskryeministrin të ngarkuar për dialog, Besnik Bislimi.
Në diskutimet e tyre, ata kanë analizuan procesin e dialogut të zhvilluar deri më tani dhe kanë diskutuar hapat e ardhshëm përfshi dhe takimin e ardhshëm të kryenegociatorëve.
Emisari i posaçëm i BE-së, gjatë qëndrimit të tij në Prishtinë, gjithashtu ka takuar edhe Presidenten e vendit, Vjosa Osmani, Kryetarin e Kuvendit të Kosovës, Glauk Konjufca, udhëheqësit e grupeve parlamentare, si dhe udhëheqësit e partive politike, përfshirë Partinë Demokratike të Kosovës (PDK), Lidhjen Demokratike të Kosovës (LDK), Aleancën për Ardhmërinë e Kosovës (AAK) dhe Listën Serbe (LS).
Në komunikatë thuhet se në takimet e tij, Lajçak ka theksuar rolin e rëndësishëm të parlamentit dhe opozitës në mbështetjen e qeverisë në dialogun e lehtësuar nga BE-ja.
“Kosova ka bërë përparim të madh në shumë fusha dhe shumë nga kjo mund t’i atribuohet drejtpërdrejt Dialogut, por vetëm paramendoni përfitimet shtesë që Kosova mund t’i ketë për qytetarët e saj duke arritur një marrëveshje përfundimtare të normalizimit gjithëpërfshirëse me Serbinë”, tha Emisari i posaçëm i BE-së, Lajçak.
Përveç liderëve shtetëror dhe atyre të partive opozitare, Lajçak është takuar edhe me përfaqësuesit e komunitetit të bizneseve në Kosovë si dhe me studentët për përfitimet e normalizimit të plotë të marrëdhënieve me Serbinë.
Pas takimit të dytë me kryeministrin Kurti, emisari i posaçëm i BE-sw, Lajçak ka deklaruar pwr media se është i befasuar pse në Kosovë ka bërë bujë deklarimi i zëvendëskryeministrit Besnik Bislimi se Kosova e Serbia janë dakorduar për hapjen e arkivave shtetërore, edhe për ato që lidhen me Ushtrinë Çlirimtare të Kosovës.
Lajçaku ka thënë se për këtë çështje s’ka pasur asnjëherë pengesa nga “asnjëra palë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekskluzive: Franca kërkon shtyrje të vendimit për anëtarësim të Kosovës në KiE
-
SHBA-të kundër pushtimit të Rafahut, pro armëpushimit dhe të shqetësuara për mbylljen e Al Jazeera në Izrael
-
Osmani: Investimet e MCC-së sollën përfitime të rëndësishme për popullin e Kosovës
-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin