U bë kohë që kur këngëtarja shqiptare, Dafina Zeqiri, ka paralajmëruar albumin e saj të ri, “Dafinë moj”, publikimi i të cilit akoma mbetet enigmë për fansat dhe publikun.
Deri më tani, Dafina, ka zbuluar vetëm këngët e albumit, ndërsa vëmendjen e morën edhe artistët me të cilët ajo ka vendosur të bashkëpunoj. Por, ndër të gjithë, më e komentuara ishte këngëtarja nga Maqedonia e Veriut, Altuna Sejdi, e njohur si – Tuna.
Madje, kjo e fundit ka publikuar një fotografi nga albumi në ardhje i Dafinës, ndërsa ka është shprehur falënderuese për bashkëpunimin mes tyre.
“Nuk mund të isha më e emocionuar për këtë ribashkim pas një dekade. Të dua vajzë, Dafina Zeqiri”, ka shkruar Tuna në një postim të fundit të publikuar në llogarinë e saj të Instagram-it.
I menjëhershëm ka qenë edhe reagimi i Zeqirit, ndërsa nuk ka hezituar të ripostojë imazhin e Tunës, duke i dedikuar anasjelltas disa fjalë.
“Nuk mund të isha më e emocionuar për këtë ribashkim tonin. Të dua përgjithmonë”, iu përgjigj Dafina.
Kujtojmë se kënga e cila do ta sjellë Dafina Zeqirin bashkë me Tunën, titullohet “Sunny Hill”, dhe do të publikohet edhe me video klip.
Projekti mes dyshes pritet të korr sukses bazuar në video klipin e këngës “Vibe” që përfshinte bashkëpunim mes Dafinës, Tunës dhe rep artistit 2po2, e që ishte publikuar në vitin 2010.
Kjo është hera e parë që këngëtaret bashkojnë sërish forcat pas “armiqësisë” së tyre që zgjati për disa vite, ndërsa ato nuk ndiqnin njëra-tjetrën as në rrjete sociale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin