“MTV Video Music Awards 2021” – ngjarje e zhvilluar në New York të Shteteve të Bashkuara të Amerikës, është mes ngjarjesh më të mëdha dhe më të rëndësishme në botë, për sa i përket industrisë së muzikës.
Në ceremoninë e ndarjes së çmimeve të sivjetshme, prezantuese e evenimentit ishte rep artistja, Doja Cat, ndërsa nuk munguan as performancat e veçanta të artistëve më të suksesshëm të momentin, si rep artisti, Lil Nas X, Normani, Olivia Rodrigo e Kacey Musgraves.
Rep artisti më i përfolur i momentit, Lil Nas X, ishte fituesi i çmimit kryesor të kësaj ceremonie prestigjioze të ndarjes së çmimeve, ndërsa ka fituar si “Videoja më e mirë e vitit”, me këngën “Montero” (Call me by your name).
Mes artistësh më pretendentë për të rrëmbyer më shumë çmime ishte këngëtari kanadez i muzikës pop, Justin Bieber, i cili ishte i nominuar plot shtatë herë falë projekteve të tij muzikore, “Holy” dhe “Peaches”, si dhe debutimit të tij në klipin e DJ Khaled “Popstar”.
Por, si përfundim, Bieber, fitoi dy prej nominimeve, atë të “Artistit të vitit “ dhe “Best Pop”.
Përpos, Justin Bieber, fituese dominuese e çmimeve të “MTV VMA’s 2021”, pritej të jetë edhe rep artistja, Megan Thee Stallion, e cila ishte e nominuar në gjashtë kategori të ndryshme, dhe katër nga ta ishin për duetin me Cardi B në këngën “Wap”.
Por, që e njëjta është kthyer në shtëpi pa fituar as edhe një çmim të vetëm.
“Good 4 you” është kënga të cilën, këngëtarja, Olivia Rodrigo, e ka performuar në skenën e “MTV VMAs 2021”, ndërsa ka fituar gjithsej tre çmime.
“Artistja e re më e mirë”, “Performanca e vitit” si dhe “Kënga e vitit”, referuar këngës “Drivers License”, ishin tre çmimet që shkuan enkas për Olivian.
Albanian Post – ju sjell listën me fituesit e disa prej kategorive kryesore të “MTV VMAs 2021”.
Lil Nas X: Montero (Call me your name) – “Videoja më e mirë e vitit”.
Justin Bieber – “Artisti i vitit”.
Olivia Rodrigo – “Aristja e re më e mirë e vitit” dhe “Kënga e vitit”.
BTS – “Grupi më i mirë i vitit”.
Doja Cat dhe SZA – “Bashkëpunimi më i mirë i vitit” (Kiss me more).
Travis Scott, Young Thug dhe M.I.A – “Hip Hopi më i mirë i vitit” (Franchise).
Billie Eilish dhe Rosalia – “Kënga më e mirë latine e vitit” (Lo Vas Olvidar).
John Mayer – “Rock artisti më i mirë i vitit” (Last Train Home)
Bruno Mars, Anderson dhe Silk Sonic – “Kënga më e mirë e vitit e zhanrit R&B” (Leave The Door Open).
Harry Styles – “Koreografia më e mirë e vitit” (Treat People with Kindness).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
-
Ed Sheeran thotë se “ka këngë të përfunduara”, por s’do t’i lançojë këtë vit
-
Post Malone dhe Morgan Wallen njoftojnë publikimin e këngës së përbashkët “I Had Some Help”
-
Këngëtarja përfaqësuese e Izraelit në “Eurovision 2024” urdhërohet të izolohet në dhomën e saj të hotelit
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste