Trajneri i Barcelona-s, Ronald Koeman, tregon për mediat spanjolle se përse e dërgoi Miralem Pjanic-in në huazim.
Karriera e Pjanic-it te Barcelona, nuk ka qenë ajo që ka pritur mesfushori boshnjak. Pas largimit nga Juventus-i, ai nuk ka mundur të tregojë formën e duhur për të qenë pjesë e formacionit të Koeman.
Por, pavarësisht kalimit në Turqi, Pjanic është pjesë e titujve kryesorë të mediave në Spanjë, pasi ai kritikoi Koeman-in për sjelljen e padrejtë ndaj tij.
“Koeman nuk më respektoi”, tha Pjanic për “Marca” disa ditë më parë.
“Kjo është hera e parë që më ka ndodhur diçka e tillë. Nuk dua të më trajtojnë sikur jam ende 15-vjeç”.
“Do të më pëlqente që ai të më thoshte gjërat në sy”, ka vijuar të thoshte boshnjaku.
Ndërkohë, ështe radha e Koeman-it për të folur mbi këtë çështje, që prej ditësh po flitet gjerësisht në shtypin sportiv.
“Unë mendoj se ka një zhgënjim nga ana e lojtarit dhe e kuptoj këtë”, tha Koeman-i, për katalanasen “Mundo Deportivo”.
“Sidoqoftë, përsa i përketë mënyrës se si ne luajmë, idetë tona me dhe pa top, ai është pak nivel më posht se mesfushorët e tjerë”.
“Kjo është. I uroj atij gjithë të mirat. Ishte e komplikuar, por ne u përpoqëm dhe pamë se ka lojtarë të tjerë që janë më të mirë se ai”, përfundoi tekniku holandez.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel