Nëse dikush gjendet në Serbi gjatë kësaj fundjave, ka mundësi të marrë pjesë në një festival tradicional të përvitshëm gatimi, i cili në mënyrë të pazakontë, përfshin një pjatë jo aq të lakmuar prej të shumtëve – atë të testikujve të gatuar në mënyra të ndryshme.
Njerëz të shumtë mblidhen aty për të përcjellë recetat e tyre tek vizitorët.
Për fituesit, mbetet kënaqësia e veçantë e të gatuarit pjatën e tyre për gjithë pjesëmarrësit.
Pjesa më e madhe e pjesëmarrësve – çuditërisht – janë burrat. Kjo, edhe për arsye se ngrënia e testikujve, mendohet se rrit libidon seksuale mashkullore.
Një sërë varietetesh të testikujve të kafshëve ofrohen. Vitet e fundit madje, ka edhe hyrje të reja si për shembull testikuj kanguri, deveje apo struci.
Festivali që për qëllim ka edhe argëtimin, ka ardhur duke u rritur vit pas viti. Sa vjen e më shumë pjesëmarrës shfaqen në fshatin serb, Ozrem, ku edhe zhvillohet.
Më të çmuarit, janë testikujt e demave, të cilët përshkruhen si një delikatesë e kuzhinës.
Ndër çmimet që jepen, ka pasur edhe nga ato për personalitete të larta politike. Madje, në vitin 2010, i nderuar me një çmim, edhe pse jo në praninë e tij, ishte ish-presidenti i SHBA-ve, Barack Obama.
Motivacioni? Ai është njeriu më me këllqe në botë!
Këllqe, të cilat duhen edhe për të shijuar pjatat e stërmbushura me testikuj në Serbi…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Blinken luan kartën saudite
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve