Lampard u largua nga drejtimi i Chelsea-s në 25 janar, pas gati një viti e gjysëm në krye të bluve të Londrës. Media e madhe sportive “The Athletic” ka zbuluar prapaskenat, që ndikuan në largimin e Frank Lampard-it.
Përplasja e vazhdueshme me shefen e klubit, Marina Granovskaia, besohet se ka qenë arsyeja kryesore që ka sjell largimin e teknikut.
Granovskaia dhe Lampard-i, në fillim kanë patur një marrëdhënie të mirë, por kërkesat e vazhdueshme të këtij të fundit, mbi merkaton, ishin pikënisja e ftohjes së marrëdhënies së tyre.
Tekniku edhe pse shpenzoi rreth 250 milionë euro merkaton e shkuar, duke afruar lojtarët që dëshironte, përsëri kërkonte ndërhyrje të tjera, të kushtueshme.
Declan Rice dhe James Tarkowski, ishin dy dëshirat e tjera të Lampard-it. I pari ka një vlerë rreth 70 milionë euro, ndërsa i dyti rreth 30 milionë euro.
Një tjetër arsye, që ndikoi negativisht në raportin mes Lampard-it dhe Granovskaia-s ishte trajtimi që Frank-u i bëri Kepa Arrizabalaga-s. Portieri është një nga dy blerjet më të shtrenjta të Chelsea-s, së bashku me Kai Havertz-in.
Kërkimi i një portieri të ri, në merkaton e shkuar, të cilin dhe e mori, Edouard Mendy-n, ishte një “keq trajtim” për Kepa-n, që sipas Lampard-it kishte bërë gabime të mëdha.
Për Kepa-n ky trajtim ishte një zhgenjim, që tekniku nuk e mbështeti mjaftueshëm dhe portieri ishte shumë i pakënaqur me situatën e krijuar.
Aspekt tjetër negativ për Lampard-in, ishin kritikat publike drejtuar lojtarëve. Kritika të cilat, gjithmonë sipas The Athletic kanë rritur pakënaqësin te lojtarët në raport me Lampard-in.
Dhe në dhomat e zhveshjes kishte pakënaqësi sesi Lampard-i menaxhonte situatat, sidomos në rastet kur ekipi ishte në humbje, apo e kishte humbur ndeshjen.
Lampard-i gjithashtu i kërkoi klubit, nxjerrjen në merkato të mbrojtësit gjerman, Antonio Rudiger-it. Lojtari vlerësohet shumë nga bordi drejtues i Chelsea-s.
Pavarësisht arsyeve të renditura më siper, në shkarkimin e Lampard-it ndikuan jo pak dhe rezultatet e fundit te Chelsea-s. Vendi i nëntë në Premier Ligë, pas gjithë atyre parave të shpenzuara, nuk mund të kapërdihej lehtë nga Granovskaia.
Humbja ndaj Leicester-it në Premier Ligë, la shije të hidhur te bordi drejtues, sidomos te Granovskaia, pavarësisht se fitoi ndeshjen pasardhëse në Kupën FA, ndaj Luton Town-it.
Largimi i Lampard-it dukej i paralajmëruar pas gjithë këtyre fakteve, që sa vinin dhe krisnin më shumë raportin mes tij dhe Granovskaia-s.
Përshtatur për The Athletic nga AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare