Sipas agjencisë së lajmeve “Europa Press”, Klubi i Real Madrid-it po kërkon nga qeveria spanjolle rreth 8 milionë euro për të shndrruar Real Madrid TV (RMTV) në një platformë video.
Klubi i bardhë synon të përfitojë nga Plani Spanjoll Audiovizual, i cili mbulohet pjesërisht nga fondet e Bashkimit Evropian.
“Europa Press” ka zbuluar nëpërmjet dokumentacioneve në Ministrinë e Çështjeve Ekonomike dhe Transformimit Digjital në Spanjë se Real-i ka shprehur interes për pikën 25 të Planit të Rimëkëmbjes, Transformimit dhe Qëndrueshmërisë.
Synimi i klubit është i qartë, pasi kërkon që ta bëjë RMTV një platformë të aksesueshme jo vetëm në televizor, por edhe në ueb, aparate celulare dhe aplikacione të ndryshme për Smart Tv.
Projekti i klubit është quajtur “Fabrika digjitale e Real Madrid-it”, që do të ketë transmetime të drejtpërdrejta dhe njëkohësisht përzgjedhje sipas kërkesës.
Pra, Real Madrid-i dëshiron të krijojë dhe konsolidojë prodhimin e materialeve audiovizive që kanë lidhje me klubin, për ta bërë sa më të thjeshtë për tifozët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin