Autoritetet ruse kanë akuzuar disidentin rus, Alexei Navalny, për një tjetër vepër penale.
Ky vendim mund të zgjasë qëndrimin e politikanit pas hekurave nëse ai dënohet.
Komiteti Hetues tha më 11 gusht se e kishte akuzuar Navalny-n për krijimin e një organizate, që shkel të drejtat dhe sigurinë personale të qytetarëve.
Kritiku i hapur i Kremlinit aktualisht po vuan një dënim prej 2 vite e gjysmë për shkelje të lirimit me kusht.
Navalny pritet të përballet me tre vite burg shtesë nëse shpallet fajtor për akuzat e reja.
Një dënim i tillë mund ta mbajë Navalny-n në paraburgim edhe pas zgjedhjeve të ardhshme presidenciale në 2024, kur do të përfundojë mandati aktual gjashtëvjeçar i Putin-it në Kremlin.
Komiteti Hetues tha se akuzat ishin të lidhura me aktivitetet e Fondacionit Anti-Korrupsion të Navalny-t (FBK).
Përkrahësit, që postojnë në mediat sociale me emrin Team Navalny, e përshkruan akuzën si “të pakuptimtë”.
“Askush nuk cenon personalitetin dhe të drejtat e qytetarëve si vetë Putini dhe të gjithë përkrahësit e tij, përfshirë Komitetin Hetues”, thanë ata në Telegram.
Navalny u arrestua në janar, kur u kthye në Rusi nga Gjermania, ku mori trajtim ndaj një sulmi helmues në Siberi në gusht të vitit 2020.
Burgosja e tij shkaktoi protesta të shumta në të gjithë Rusinë, të cilat u shpërndanë me dhunë nga policia.
Shtetet e Bashkuara dhe Bashkimi Evropian kanë kërkuar nga autoritetet ruse lirimin e Navalny-t, duke e quajtur rastin e tij të motivuar politikisht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”