Gjermania është bërë vendi i parë në Bashkimin Evropian për blerjen e ilaçit kundër Coronavirus. Ky ilaç bazohet në ndërtimin dhe kombinimin e antitrupave.
“Nga java e ardhshme do të përdoren antitrupat monoklonale. Qeveria ka blerë 200 mijë doza për 400 milion euro”, u shpreh ministri gjerman i shëndetsisë, Jens Spahn, për gazetën Bild.
Ato veprojnë si një vaksinim pasiv. Dhënia e antitrupave mund të ndihmojë grupet e rrezikuara të pacientëve në fazën e hershme të sëmundjes. Ecuria e rëndë e saj mund të pengohet.
Sipas tij duhet më shumë kujdes se kë fajësojmë në lidhje me pandeminë.
“Të flasësh për gabime apo humbje shansesh, është e rëndësishme. Po nuk duhet ta kalojmë në një luftë të pamëshirshme. Nuk duhet të kemi si qëllim shkarkimin e fajit tek të tjerët”, tha Spahn.
Donald Trump dhe trajtimi me antitrupat REGN-COV2
Me këtë ilaç antitrupash, sipas raportimeve është trajtuar edhe presidenti amerikan, Donald Trump, pas infektimit me Coronavirus.
Në fillim të tetorit, Donald Trump, u trajtua me një sasi antitrupash REGN-COV2 të firmës amerikane Regeneron.
Substanca e REGN-COV2 është një kombinim special i dy antitrupave. Ato bllokojnë të ashtuquajturën proteinë Spike të virusit duke deformuar kështu strukturën e saj. Në këtë mënyrë pengohet sulmi që virusi bën në qelizat e njeriut në trup dhe nuk lejohet shumimi.
Të dy trajtimet janë aprovuar për përdorim emergjent në Shtetet e Bashkuara të Amerikës (SHBA), por ende nuk kanë marrë dritën jeshile nga rregullatorët evropianë.
Trump, i cili u shtrua për pak kohë në spital, u trajtua me terapinë e Regeneron, para se ajo të kishte marrë autorizimin zyrtar.
Ai më vonë tha se ilaçi bëri “një punë fantastike”./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”