Është kërkuar shtyrja e procesit të gjykimit të ish-Presidentit të SHBA-së, Donald Trump, nga kreu i republikanëve në Senat, Mitch McConnell. Ai arsyetoi se Senati ka rregulla se si duhet të veprojë dhe ato duhen zbatuar pavarësisht çdo kërkese emergjente.
Kërkesa e McConnell-it është që procesi të shtyhet për në gjysmën e dytë të shkurtit. Kjo do të ndihmojë që të mos ketë interferim në punën e Senatit, javët e para të presidencës Biden.
Kreu i shumicës demokrate, Chuck Schumer, nuk është tërhequr nga kërkesa. Mazhoranca e Senatit, i lejon demokratëve të ndjekin hapat që duan, pa marrë miratimin e republikanëve.
Ndër arsyet e tjera që senatori republikan listoi, ishte “një proces i ndershëm” ndaj ish-presidentit. “Në lojë janë fakte serioze dhe çështje kushtetuese”, theksoi McConnell.
Si erdhëm në këtë moment?
Kongresi miratoi shkarkimin e dytë të Trump-it, javën e shkuar. Kjo ishte hera e parë në histori, që një president shkarkohej dy herë brenda një mandati nga Kongresi. Në Senat, gjithsesi, kërkesa nuk është miratuar herën e parë.
Por gjatë mandatit të Trump-it, Senatin e kontrollonin republikanët. Me fitoren e dy demokratëve në shtetin e Georgias, kontrolli i kaloi Demokratëve.
Nga ana tjetër, ish-presidenti ka deklaruar se do të përfaqësohet nga avokati Butch Bowers në proces.
Propozimi konkret i McConnell, është që procesi të zgjasë dy javë. Koha e fillimit të afatit është çasti i dërgesës së artikullit për shkarkim nga Kongresi. Data e duhur sipas republikanit për këtë fazë është 28 janari. Dy javë pas kësaj date, mund të nisin diskutimet në Senat.
Demokrati Schumer, po rishikon propozimin e kreut të pakicës. Një takim midis të dyve pritet në ditët në vijim, për zyrtarizimin e fillimit të procesit.
Presidenti Trump është larguar nga detyra tashmë, dhe kërkesa për shkarkim nuk është e mundur. Gjithsesi, ai mund të dënohet për nxitjen e dhunës në Capitol, sipas akuzave të demokratëve./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
-
Kandidati socialist gjerman sulmohet gjatë fushatës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës