Qeveria kineze, të mërkurën, mohoi të kishte ndonjë qëllim për të mashtruar ekipin e Organizatës Botërore të Shëndetësisë.
Ekipi, i përbërë nga shkencëtar dhe mjekë, është aktualisht në Wuhan për të hetuar origjinën e pandemisë së coronavirus-it.
Ministrja e Jashtme kineze, Hua Chunying, të martën u përpoq të çonte vëmendjen tek laboratori ushtarak amerikan, Fort Detrick.
Ajo akuzonte se laboratori është një burim i mundshëm i shpërthimit të pandemisë.
Ministrja i bëri thirrje SHBA-së të hapë laboratorin për inspektorët e OBSH.
Çështja, më vonë, u bë virale në mediat sociale kineze.
Në një konferencë për shtyp, Hua mbrojti të drejtën e Kinës për të kërkuar inspektimin e “Fort Detrick”.
“Nëse mediat amerikane mund të bëjnë raporte, në Institutin e Virologjisë Wuhan të Kinës, pse mediat kineze ose njerëzit e zakonshëm kinezë nuk mund të shprehin pikëpamjet e tyre në media sociale?”
Qeveria kineze mbron teorinë, edhe pse me prova të pamjaftueshme, se epidemia e ka gjenezën nga importet e ndotura të prodhimeve të detit.
Ky nocion është hedhur poshtë nga shkencëtarët dhe agjencitë ndërkombëtare.
Ndërkohë, ministrja mbrojti raportimet e mediave kineze rreth vdekjeve në Norvegji të shkaktuara nga vaksinat Pfizer.
Ajo gjithashtu kritikoi mediat perëndimore për politizimin e çështjes së vaksinave./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hamasi pranon armëpushimin për Gazën, Izraeli jo
-
Prokuroria zbardh hetimet për vetëvrasjen e nënës me 3 fëmijët: Ka dyshime të forta se drejt aktit i ka çuar dhuna e bashkëshortit
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Konjufca kundër Taravarit: Çdo votë për kandidaten e VMRO-së është votë antishqiptare