Organizata e Vendeve Eksportuese të Naftës (OPEC) dhe India janë përplasur të martën për ndryshimet në nivelet e prodhimit të naftës.
Ministri indian kundërshtoi publikisht zyrtarin më të lartë të OPEC-ut për ndryshimin e politikave të kartelit. Përplasja erdhi gjatë një konference të organizuar nga Këshilli Atlantik këtë javë.
Në fokus të diskutimit ishte një ndryshim i papritur i politikës së kartelit në fillim të këtij muaji për nivelin e prodhimit.
Shumë blerës të naftës kishin pritur një rritje të furnizimit mujor, por shumica e vendeve të OPEC-ut ulën prodhimin. Vendimi u pasua me një reduktim të papritur prej një milion fuçish në ditë nga Arabia Saudite.
Ministri indian i naftës dhe gazit, Dharmendra Pradhan, debatoi me Sekretarin e Përgjithshëm të OPEC-ut, Mohammad Barkindo në lidhje me konfuzionin e papritur që vendimi i OPEC-ut krijoi për tregjet e naftës.
India dhe blerësit e tjerë do të kishin preferuar prodhim më të lartë dhe çmime më të ulëta. Sipas ministrit indian, vendimi i OPEC-ut mund t’i drejtojë vendet drejt burimeve alternative të energjisë.
Barkindo argumentoi se çdo vendim i OPEC-ut kishte në fokus interesin e vendeve konsumatore. Një situatë e paqëndrueshme e tregut e ka detyruar OPEC+ të adaptojë planet prodhuese, të cilat do të rishikohen përsëri në fillim të shkurtit dhe çdo muaj në vijim.
India dhe OPEC kanë pasur pëplasje të ndryshme gjatë viteve për tregjet e naftës. Në fund të diskutimit, palët u shprehën optimistë për zgjidhjen e problematikave./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit