Një video e Jack Ma-s duke iu drejtuar mësuesve të mërkurën, ndikoi në rritjen më të madhe të aksioneve të Alibaba-s në gjashtë muajt e fundit.
Aksionet u rritën deri në 11%, duke shtuar me 63 miliardë dollarë vlerën e tregut të kompanisë Alibaba.
Më shumë se 85 milionë aksione të kësaj kompanie u tregtuan gjatë të mërkurës. Ky nivel kaloi me 2.5 herë mesataren tre-mujore për një ditë të plotë.
Alibaba Health Information Technology, pjesë e zinxhirit të të Alibaba-s, pësoi një rritje të aksioneve deri në 18%.
Jack Ma bëri paraqitjen e tij të parë publike pas disa muajsh. Kjo paraqitje publike vjen në një kohë kur kompania e tij po përballet me hetime nga qeveria kineze.
Ma nuk kishte bërë një paraqitje publike ose postim në media sociale që nga fundi i tetorit. Në tetor, Alibaba vendosi të futej në bursat e Shangha-it dhe Hong Kong-ut.
Pas fillimit të hetimit nga qeveria kineze mbi praktikat monopolistike të Alibaba-s, shumë aksionerë kanë tërhequr aksionet e tyre.
Burime nga Banka Qendrore e Kinës kanë njoftuar se ‘Ant Group’ po punon për të siguruar vazhdimësinë e operacioneve të Alibaba-s.
Ant Group përbën më shumë se një të katërtën e pasurisë së Jack Ma-s, pasuri që kap vlerën e 52.9 miliardë dollarëve.
Anëtarët e ‘Ant Group-it’ u thirrën në janar, në një takim të nivelit të lartë për të diskutuar mbi rregulloret financiare.
Në këtë mënyrë, Kina ka përshkallëzuar hetimet ndaj kompanisë së Jack Ma-s.
Sipas studiesve të ndryshëm, situata lidhet me një përshkallëzim të përpjekjeve të koordinuara për të frenuar rritjen e Alibaba-s.
Autoritetet kineze po synojnë ta kthejnë në një kompani më të vogël, më pak mbizotëruese në treg dhe më të bindur ndaj rregulloreve shtetërore.
Rregullat anti-monopol që po aplikohen, rrezikojnë të prishin ekuilibrin e krijuar në tregjet e blerjeve online.
Fushata hetimore kundër kompanisë, Alibaba, u intensifikua në nëntor, pas deklaratave publike të Jack Ma-s ndaj autoriteteve kineze./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel