![](https://albanianpost.com/wp-content/uploads/2021/06/203946360_282692223496784_3538664145251326839_n.jpg)
Kampioni i Kosovës në futboll, FC Prishtina do të luajë këtë të marte ndeshjen e parë parakualifikuee në Ligën e Kampionëve.
Prishtina në ndeshjen e parë është super favorit, të cilët do të përballen me kampionin e San Marinos, FC Folgore.
Ndeshja do të fillojë në ora 20:00, në stadiumin “Elbasan Arena” në Elbasan.
Kujtojmë që fillimisht kjo garë parakualifikuese ishte programuar të zhvillohej në Ishujt Faroe, mirëpo për shkak të kufizimeve për coronavirus, turneu u zhvendos në Shqipëri.
Nëse kampioni i Kosovës, eliminon Folgore-n, atëherë më 25 qershor në finale do të takohet me fituesin e çiftit mes HB Torshavn dhe Inter Escaldes.
Më pas nëse fiton në finale, do të kualifikohet për në raundin e parë kualifikues të Ligës së Kampionëve.
Në këtë ndeshje, klubi i Prishtinës ka njoftuar se do të ketë katër mungesa.
“Skuadra pati mungesën e Leonit Abazit (stërviti veçmas) dhe Samuel Mones – të dy këta të lënduar, kurse me skuadrën punuan Bekteshi, i suspenduar me kartonë dhe Tolaj i cili nuk ka mundur të licencohet para afatit kalimtar ndërkombëtar i cili fillon më 1 korrik”, thuhet në njoftimin e klubit.
Për klubin e Prishtinës, kjo është hera e parë që paraqitet në garat kualifikuese të Ligës së Kampionëve, derisa ata më herët kanë marrë pjesë katër herë në kualifikimet për Ligën e Evropës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Davis nokauton Martinin – mbron titullin e kampionit të botës
-
Duka për kandidaturën e përbashkët me Serbinë: Është interes kombëtar – i shërben edhe njohjes së Kosovës
-
“Kam punuar shumë gjithë jetën për të arritur këtu”, Marku sonte përballet me Kongon
-
Kosova barazon ndaj Zvicrës, përfundon ëndrra për Euro 2024