Bavaria, shteti jugor i Gjermanisë, është në bisedime me kompaninë amerikane të çipave, Intel-in, për të ndërtuar një fabrikë evropiane të gjysmëpërçuesve.
Ministri lokal i ekonomisë, ka deklaruar se kjo lëvizje vjen si një përpjekje për t’iu kundërvënë mungesave të furnizimit që kanë penguar prodhimin në sektorin e automjeteve.
Agjencia e lajmeve, Reuters, tregon se në muajt e fundit, prodhuesi i çipave ka kërkuar 8 miliardë euro apo ndryshe 9.5 miliardë dollarë subvencione publike, për të ndërtuar një fabrikë për prodhimin e gjysmëpërçuesve në Evropë.
“Unë e mbështes fuqimisht këtë”, është shprehur ministri Hubert Aiwanger, shteti i të cilit është shtëpia e prodhuesit të makinave luksoze, BMW.
Ai ka vijuar duke thënë se “vendndodhja e mundshme e një prodhuesi të madh ndërkombëtar gjysmëpërçues në Bavari është një mundësi e jashtëzakonshme”.
Aiwanger ka treguar se sugjerimi i Bavarisë ishte një bazë ajrore e papërdorur në Penzing-Landsberg, në perëndim të Mynihut, si një vend i mundshëm për fabrikën.
Reuters shkruan se në Evropë mungesa e gjysmëpërçuesve shkaktoi shumë pengesa për prodhuesit e makinave dhe gjithashtu kërcënoi përmbysjen e rimëkëmbjes ekonomike të Gjermanisë nga pandemia e koronavirusit.
Nga ana tjetër, Bashkimi Evropian po konsideron krijimin e një aleance gjysmëpërçuese duke përfshirë STMicroelectronics, NXP, Infineon dhe ASML. Kjopër të ulur varësinë nga prodhuesit e huaj të çipave gjatë një krize globale të zinxhirit të furnizimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë