Kryebashkiaku i Vlorës, Dritan Leli, ka refuzuar sërish të premten e 18 qershorit të marrë pjesë në mbledhjen e thirrur nga Këshilli Bashkiak, duke kërkuar që mbledhja të zhvillohet online.
Këshilli Bashkiak kërkoi mbledhje urgjente pas kërkesës së kryetarit të bashkisë për të shkarkuar nga detyra sekretarin e përgjithshëm të këshillit, Agron Gjipali, me argumentin se ka mbushur moshën e pensionit.
Shkresa e kryebashkiakut Leli, i kërkonte anëtarëve të këshillit bashkiak të Vlorës të zgjedhin një sekretar të ri të përgjithshëm.
Nga ana e tyre, anëtarët e këshillit bashkiak të Vlorës e kanë konsideruar këtë gjë tendencioze, duke refuzuar shkarkimin e Gjipalit nga detyra.
Me 40 vota pro dhe 2 kundër, Këshilli Bashkiak ka votuar për vijimin në detyrë të sekretarit të përgjithshëm.
“Gjipali duhet të qëndrojë në detyrë, derisa të gjendet një profesionist i ri, që mund ta zëvendësojë dhe jo të pushohet nga detyra menjëherë”, ka deklaruar Këshilli.
Tension mes Lelit dhe Këshillit Bashkiak
Të martën e 15 qershorit ka ndodhur një përplasje mes anëtarëve të Këshillit Bashkiak dhe kryetarit aktual të Bashkisë së Vlorës, Dritan Leli.
Anëtarët kanë kërkuar zhvillimin e mbledhjes të 15 qershorit në teatrin “Petro Marko”, ndërsa Leli nuk e ka lejuar atë, duke thënë se janë shkelur masat anti-Covid.
Deputeti i Partisë Socialiste në Vlorë, Anduel Tahiraj, u shpreh se mënyra se si zhvillohet mbledhja e përcakton Këshilli Bashkiak dhe jo kryetari.
“Akti i Lelit, papërgjegjshmëri që cenon qytetarët e Vlorës”, tha Tahiraj në një deklaratë për mediat.
Sipas tij, Leli ka humbur besimin e qytetarëve dhe mbështetjen e Partisë Socialiste.
Më herët, këshilltarët e Këshillit Bashkiak të Vlorës kërkuan një mbledhje për të diskutuar mbi shqetësimet e komunitetit për gjendjen e shërbimeve vendore.
Ata, në atë kohë, kërkuan një ballafaqim me Dritan Lelin, dhe praninë e deputetëve të qarkut, përfshirë edhe kryeministrin e Shqipërisë, Edi Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
I vunë tritol në banesë, KLGJ i cakton 6 muaj mbrojtje gjyqtarit, Tonin Stërkaj
-
Hasani ndalesë në Vjenë për hapjen e Konferencës për Sistemet Autonome të Armëve
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës