“Nëse jeni vaksinuar dhe jeni jashtë, lini mënjanë maskën tuaj. Ju nuk keni pse ta mbani atë, ” është shprehur shefi i sëmundjeve infektive në Shtetet e Bashkuara të Amerikës, Dr. Anthony Fauci.
Këto komente të tij, vijnë një javë pasi Qendrat për Kontrollin dhe Parandalimin e Sëmundjeve lëshuan udhëzime të reja për maskat për njerëzit e vaksinuar dhe të pa vaksinuar.
Sipas tij, vendi i vetëm ku njerëzit e vaksinuar duhet të vendosin maskën jashtë “do të ishte nëse do të shkonit në një turmë me njerëz ku ata qëndrojnë ngjitur njëri-tjetrit”, raporton Inquirer.
Ndërkohë, në Kosovë numri total i rasteve pozitive në Kosovë është 106 mijë e 754 kurse numri i rasteve aktive është pesë mijë e 749.
Ndërkaq, Koordinatori i Qendrës së vaksinimit në Prishtinë, Niman Bardhi, ka thënë se gjatë së mërkurës janë vaksinuar 750 persona mbi moshën 65 vjeçare.
Ai ka bërë të ditur se në total numri i të vaksinuar ka shkuar në rreth 30 mijë, duke shtuar se interesimi është i madh për të marrë vaksinën nga kjo grup-moshë.
“Aktualisht të vaksinuar vetëm sot janë rreth 750 persona, ndërsa numri total rreth pesë mijë të vaksinës Pfizer. Nëse flasim nga dita e parë nga 29 marsi atëherë kemi rreth 30 mijë vaksina të aplikueshme”, ka theksuar Bardhi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Hamasi tregon se është gati për marrëveshje, izraelitët ende të përçarë
-
Raportet ndërkombëtare që shkërmoqën propagandën qeveritare