Më shumë se 7 miliardë dollarë pajisje ushtarake kanë qenë në dorë të ish-Qeverisë afgane një vit më parë, pasi Perëndimi për dy dekada e mbështeti ngritjen e një stili perëndimor jetesë në Afganistan.
Mirëpo asgjë nuk rrodhi si duhej pas marrjes së kontrollit të pushtetit nga talebanët, më 15 korrik 2021, kur ata u futën në Kabul dhe i sprapsën qeveritarët.
Ndërsa, SHBA-të, në bazë të një marrëveshjeje të paracaktuar për tërheqjen e tyre, thjesht lanë gjithçka në Kabul dhe ikën.
Kjo i kushtoi..pikërisht 7 miliardë dollarë!
Kështu shkruhet të paktën në një raport të publikuar nga një inspektor i përgjithshëm i Departamentit të Mbrojtjes në SHBA, i cili ka vlerësuar dëmet e largimit nga Afganistani për superfuqinë botërore.
Dëme këto, jo të pakta.
Mbi 920 milionë dollarë, kushtojnë vetëm avionët luftarakë, të cilët u lanë pas. Disa prej tyre, u demilitarizuan përpara largimit dhe u bënë të papërdorshëm. Por sërish, dëmi në kurriz të Washingtonit mbeti.
Municionet ushtarake për avionë, po ashtu përllogariten në 294 milionë dollarë.
Teksa, rreth 4 miliardë dollarë pajisje të tjera, ishin në inventarin e Ushtrisë afgane, kur talebanët ia morën kontrollin e Kabulit.
Vlera më e madhe për forcat talebane, ka qenë ajo e marrë nga mjetet tokësore, si Hoover-a apo tanke dhe armatimet luftarake me rreze të ulët.
Këtu përfshihen raketahedhës, armë automatike dhe granata.
Veshjet ushtarake, po ashtu u kanë ardhur në ndihmë talebanëve për të mbajtur kontrollin, me mijëra kostume të plota me kokore apo syze termike dhe infra të kuqe.
Ky raport, peshë edhe më të madhe i shton kështu largimit amerikan në mënyrë krejt të paorganizuar, ku në rrezik u vendos jeta e qindra bashkëpunëtorëve të tyre gjatë këtyre 20 vjetëve në Afganistan.
Çfarë mbeti pas?
Një Qeveri talebane e armatosur deri në dhëmbë. E armatosur jo dosido, por me teknologjinë e fundit amerikane.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”