30 vende diskutojnë për luftimin e krimeve kibernetike

Shtetet e Bashkuara të Amerikës kanë organizuar një konferencë dy ditore online për të diskutuar rreth sulmeve kibernetike të cilat gjithnjë e më shumë po dëmtojnë bizneset dhe po cenojnë sigurinë kombëtare.

Më 13 dhe 14 tetor, përfaqësuesit e 30 vendeve nga Evropa, Lindja e Mesme, Afrika, Amerika e Jugut dhe Azia do të bashkohen me zyrtarët e administratës Biden për të shqyrtuar se si të luftojnë këto sulme duke përfshirë edhe bërjen më të vështirë të përdorimit të kriptomonedhave si mjet të pagesës.

Këto diskutime do të përqendrohen edhe në mënyrën se si të ndiqen penalisht kriminelët në internet dhe si të veprohet me ato shtete që nuk adresojnë keqbërësit në internet që veprojnë brenda kufijve të tyre.

Me 4 tetor faqja kryesore e mediave sociale Facebook Inc (FB.O), platforma e njohur e shpërndarjes së fotografive Instagram dhe aplikacioni i mesazheve WhatsApp, u rrëzuan për dhjetëra mijëra përdorues.

Facebook, Instagram, WhatsApp përjetuan ndërprerjen globale.

Sidoqoftë, mesazhi në faqen e Facebook sugjeroi një gabim të Domain Name System (DNS).

DNS lejon adresat e uebit të çojnë përdoruesit në destinacionet e tyre.

“Ne jemi të vetëdijshëm se disa njerëz kanë probleme me qasjen në aplikacionet dhe produktet tona,” tha të hënën në adresën zyrtare të gjigantit të mediave sociale në Twitter.

“Ne po punojmë që gjërat të kthehen në normale sa më shpejt që të jetë e mundur, dhe kërkojmë falje për çdo shqetësim.”  WhatsApp dhe Instagram shkuan në Twitter për të konfirmuar ndërprerjen.

Ndërkohë, platforma e mesazheve të çastit të gjigantit WhatsApp ishte gjithashtu në rënie për mbi 35,000 përdorues, ndërsa Messenger ishte për gati 9,800 përdorues.

Facebook ka përjetuar ndërprerje të ngjashme këtë vit në mars dhe korrik.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.