Duhet të ishte një pasdite feste, por u shndërrua në një makth. Në Belgjikë, në Mol, në një qytet me 30 mijë banorë, një burrë i veshur si Babagjyshi ka vizituar shtëpinë e të moshuarve, ku ishin të ftuar 180 persona.
Askush nuk i kërkoi Babagjyshit tamponin kundër COVID-19 edhe pse ai testoi pozitiv pas tre ditësh.
Tanimë ishte shumë vonë për të shamngur tragjedinë, pasi falë një folikule të përhapur në godinë, 121 persona rezultuan pozitivë me COVID-19 (mes tyre dhe 36 operatorë) duke sjellë vdekjen e 18 të moshuarve.
Ky numër mund të përshkallëzohet në orët në vazhdim duke marrë parasysh që disa persona të tjerë ndodhen të hospitalizuar në gjendje të rëndë.
Ajo çfarë shihet nga fotot e eventit, të publikuara në mediat sociale e përkeqëson dhe më shumë situatën.
Jo të gjithë të moshuarit mbanin maskë dhe babagjyshi me ndihmësit e tij, shpeshherë nuk respektonin distancimin social, fakt ky që e ka favorizuar edhe më shumë infektimin.
Ndërkohë autoritetet lokale kanë hapur një hetim ndaj drejtuesve të azilit. Ata kanë deklaruar se janë të shokuar nga incidenti.
“Një organizim totalisht i papërgjegjshëm”, ka deklaruar kryetari i bashkisë së Mol-it. Një skuadër mjekësh është dërguar në azil nga qeveria belge për të shmangur infektimin dhe urgjencën./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
