Trajneri i njohur anglez, Roy Hodgson, është emëruar në krye të skuadrës së Crystal Palace.
Lajmin e ka bërë të ditur vetë klubi nga Premier Leauge, të cilët njoftuan në mëngjesin e së martës së Hodgson do ta marrë drejtimin e skuadrës së tyre.
Pas emërimit në stolin e Palace, trajneri anglez u shpreh i lumtur dhe tha se objektivi i tij me klubin e ri do të jetë qëndrimi në elitën e futbollit anglez.
“Jam i lumtur që jam rikthyer në këtë klub. Objektivi ynë i vetëm tani është të fillojmë të fitojmë ndeshje dhe të marrim pikët e nevojshme për të siguruar qëndrimin në Premier League”.
Roy Hodgson has been appointed Crystal Palace manager until the end of the season.
Paddy McCarthy will take the role as his assistant manager, and Ray Lewington returns as first-team coach.
Dean Kiely remains in his position as goalkeeping coach.
Welcome back, Roy.#CPFC
— Crystal Palace F.C. (@CPFC) March 21, 2023
“Crystal Palace është i njohur për shpirtin e tij luftarak dhe nuk kam dyshim se të gjithë mbështetësit tanë do të luftojnë me ne, duke filluar me ndeshjen e Leicester City të shtunën tjetër”, tha trajneri anglez.
Kujtojmë që 75-vjeçari drejtoi skuadrën e Crystal Palace edhe në të kaluarën, që nga shtatori i vitit 2017 deri në maj të vitit 2021.
Ndërkohë, gjatë karrierës së tij ai ka drejtuar kombëtare e klube të mëdha, ku ndër to janë: Anglia, Zvicra, Finlanda, Liverpool-i, Inter-i, Fulham-i, etj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com