Autoritetet përfaqësuese ruse në katër zona të okupuara të Ukrainës – Donetsk, Luhansk, Kherson dhe Zaporizhzhia – kanë njoftuar të gjithë të martën synimet e tyre për të mbajtur referendume midis 23-27 shtatorit për bashkimin me Federatën Ruse.
Lajmi u bë i ditur nga gazeta britanike “The Guardian”, duke cituar raportimet lokale.
Nxitimi i papritur për të mbajtur një referendum vjen pas kundërofensivës së Ukrainës në lindje të vendit.
Kjo, duke përfshirë një pikë të vogël simbolike në rajonin e Luhansk-ut, i cili kishte qenë plotësisht nën kontrollin e përfaqësuesve rusë.
Janë hedhur dyshime se sa efektivisht autoritetet pushtuese do të jenë në gjendje të organizojnë referendume në një kohë kaq të shkurtër, megjithëse më parë po bëheshin përgatitje.
Disa media ruse kanë raportuar se Putin-i mund t’i drejtohet kombit rus më vonë sot për këtë temë, megjithëse kjo nuk është konfirmuar nga Kremlin-i.
Masa vjen në të njëjtën ditë kur parlamenti rus, Duma, votoi për ashpërsimin e dënimeve për dezertim dhe mosbindje në kohë mobilizimi ushtarak.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel