Zëdhënësi i Sigurisë Kombëtare të SHBA-ve mallëngjehet teksa fliste për viktimat izraelite

Zëdhënësi i Sigurisë Kombëtare të Shtëpisë së Bardhë, John Kirby, është mallëngjyer gjatë një interviste të hënën me CNN ndërsa diskutonte imazhet e tmerrshme të sulmeve kundër Izraelit nga grupi militant Hamas.

“Po, unë, po, më falni – është shumë, më falni, shumë e vështirë të shikosh këto imazhe, Jake, dhe koston njerëzore. Dhe këta janë qenie njerëzore, janë anëtarë të familjes, janë miq, janë të dashur, kushërinj, vëllezër, motra. Po, është e vështirë dhe kërkoj falje”, tha Kirby kur u pyet për imazhet e fëmijëve të rrëmbyer dhe grave të rrëmbyera dhe përdhunuara në Izrael.

“S’ka asgjë për të kërkuar falje”, u përgjigj Jake Tapper i CNN.

NSC's John Kirby chokes up when speaking to @jaketapper about the images coming out of Israel. pic.twitter.com/BkknrKCWPI

— Natasha Bertrand (@NatashaBertrand) October 9, 2023

Më shumë se 1 mijë njerëz kanë vdekur që kur Hamasi, i cili kontrollon Gazën, nisi sulmet kundër Izraelit.

Kryeministri Benjamin Netanyahu tha të shtunën se Izraeli është “në luftë” me Hamasin.

Presidenti Biden dhe Netanyahu kanë folur disa herë që nga fillimi i sulmeve.

Biden njoftoi të hënën se 11 amerikanë janë vrarë në sulmet kundër Izraelit dhe paralajmëroi se qytetarët amerikanë mund të jenë në mesin e atyre që mbahen peng nga Hamasi.

Më herët të hënën, Biden u takua me ekipin e tij të sigurisë kombëtare dhe presidenti amerikan është zotuar të ndihmojë Izraelin që të merret me pasojat e sulmeve.

Departamenti Amerikan i Shtetit po ofron ndihmë konsullore për amerikanët që janë aktualisht në Izrael dhe u bëri thirrje atyre në zonë që të ndjekin udhëzimet e autoriteteve lokale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.