Xavi Hernandez-it pritet t’i besohet posti i trajnerit te Barcelona edhe për një kohë të gjatë.
Sipas asaj që shkruajnë mediat spanjolle, katalanasit po planifikojnë zgjatjen e kontratës së Xavi-t.
Marrëveshja aktuale përfundon në vitin e ardhshëm, por sipas mediave në Spanjë ajo do të zgjatet deri në vitin 2026.
“Mundo Derpotivo” shkruan se te Barcelona janë të kënaqur me punën e trajnerit të tyre, i cili këtë edicion e fitoi Superkupën e Spanjës dhe është në rrugë të mirë për ta fituar titullin kampion në Spanjë.
43-vjeçari është trajner i Barcelonës prej nëntorit të vitit 2021, ndërsa në përvojën e tij si trajner, udhëhoqi edhe skuadrën nga Katari, Al-Sadd.
Kujtojmë që deri më tani, Xavi e ka udhëhequr Barcelonën në 71 ndeshje në të gjitha garat, prej të cilave ka 45 fitore, 14 barazime dhe 12 humbje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel