Prokurorët kanë kërkuar nga gjykata e Minnesota-s, të enjten e 3 qershorit, një dënim me 30 vjet burg për ish-oficerin e policisë Derek Chauvin pasi vitin e kaluar në krye të detyrës vrau afrikano-amerikanit George Floyd.
Çdo fjali “duhet të tregojë se askush nuk është mbi ligjin dhe askush nuk është poshtë tij”, tha prokuroria.
Chauvin u shpall fajtor nga juria amerikane më 21 prill, për vrasjen Floyd. Vendimi për dënimin e tij pritet të dënohet më 25 qershor.
Të enjten prokuroria tha se vrasja kishte “tronditur ndërgjegjen e Kombit” dhe kërkoi një dënim të gjatë.
Por mbrojtja e përshkroi vrasjen si “një gabim” bazuar në trajnimin e Derek Chauvin.
Vrasja e George Floyd shkaktoi zemërim global dhe një valë demonstratash kundër racizmit dhe përdorimit të forcës nga policia.
Chauvin dhe tre ish-oficerë të tjerë akuzohen për shkeljen e të drejtave civile të Floyd.
Çfarë ka ndodhur deri tani për Chauvin-in?
Gjykatësi Peter Cahill tashmë kishte vendosur që kishte faktorë rëndues në vrasjen e George Floyd – duke përfshirë kohën që Chauvin vendosi gjurin në qafën e Floyd.
Kjo lejon gjykatën të shqiptojë një dënim më të gjatë se 15 vjet, që është maksimumi i rekomanduar nga shteti.
Por avokati mbrojtës i Chauvin-it, Eric Nelson, paraqiti një kërkesë në gjykatë të mërkurën duke kërkuar një “largim të përhershëm në rënie” – një dënim më të shkurtër se sa sugjerojnë udhëzimet e gjykatës.
“Veprimi i Chauvin-it përshkruhet më së miri si një gabim i bërë me mirëbesim, jo kryerje e qëllimshme e një veprimi të paligjshëm”, tha avokati i tij.
Nelson shtoi se klienti i tij “nuk ishte në dijeni se po kryente një krim” dhe mendoi se ai ishte “thjesht duke kryer detyrën e tij të ligjshme”.
Më 5 maj ekipi mbrojtës i Chauvin-it ka paraqitur dokumente gjyqësore, sipas të cilave pretendohet për sjellje të pahijshme nga prokurorët dhe juristët.
Çfarë ka ndodhur me George Floyd?
46-vjeçari bleu një paketë cigare në një dyqan në Minneapolis-in Jugor, mbrëmjen e 25 majit 2020.
Një ndihmës i dyqanit mendoi se ai përdori një kartëmonedhë të falsifikuar 20-dollarëshe dhe lajmëroi policinë, pasi Floyd refuzoi t’i kthente cigaret mbrapsht.
Oficerët mbërritën dhe e prangosën, por kur ata u përpoqën ta fusnin në makinën e policisë ai bëri rezistencë dhe nga përleshja Floyd përfundoi me fytyrë në trotuar.
Chauvin, 44 vjeç, vendosi gjurin e tij të majtë midis kokës dhe qafës së Floyd-it dhe e mbajti atë për shtatë minuta e 46 sekonda, sipas prokurorëve.
Dy oficerë të tjerë e ndihmonin, ndërsa një tjetër ndalonte përfshirjen e dëshmitarëve në skenë.
Më shumë se 20 herë, Floyd përsëriti se nuk mund të merrte frymë. Ai u shpall i pajetë një orë më vonë në spital.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Parashikimi i motit, 28 prill 2024
-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Ndërtimi i TEC-it në Roskovec, Balla: Investim strategjik, zero risk për mjedisin
-
Asunta, historia e vërtetë e vajzës 12-vjeçare të vrarë nga prindërit e saj: Burri i maskuar, qetësuesit, pornografia aziatike dhe varri pa emër
-
Arrestohet një serb në Bërnjak, dyshohet për krime lufte