Komisioneri për Zgjerimin dhe Fqinjësinë e mirë pranë Bashkimit Evropian, Oliver Varhelyi, e ka nisur vizitën e tij në Tiranë në takim me anëtarë nga institucionet e vettingut, ku ka theksuar sërish edhe mbështetjen e unionit sa i përket Reformës në Drejtësi.
“E nisa vizitën time me një shkëmbim të mirë me institucionet e vettingut sot në Tiranë. Rikonfirmova mbështetjen e plotë dhe të fortë të BE-së. Integriteti i gjyqtarëve dhe prokurorëve është çelësi për të ardhmen e Shqipërisë në Bashkimin Evropian. Sulmi ndaj organeve të vettingut dhe anëtarëve apo familjeve të tyre duhet të ndalet!”.
I started my visit with a good exchange w/ the #vetting institutions & #IMO in Tirana today. Reconfirmed EU’s full & strong support. Integrity of judges & prosecutors is key to future of 🇦🇱 in the 🇪🇺. Attacking vetting bodies and their members or their families must stop! pic.twitter.com/cbG1BcXlr7
— Oliver Varhelyi (@OliverVarhelyi) April 28, 2022
Kështu shkruan komisioneri në profilin e tij në Twitter.
Vettingu është edhe një ndër proceset, për të cilat është lobuar më së shumti nga Bashkimi Evropian në Shqipëri.
Një pjesë e mirë e gjyqtarëve dhe prokurorëve nuk e kanë kaluar sitën e procesit, duke u shkarkuar kështu nga funksioni publik që ushtronin.
Pas kësaj vizite, funksionari i lartë i BE-së iu drejtua edhe Qytetit Studenti, ku promovoi nismën më të fundit të bashkësisë evropiane, për të rikonstruktuar godinat e konvikteve.
Teksa, rreth orës 14:30, pritet edhe një konferencë e përbashkët mes tij dhe kryeministrit të vendit, Edi Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com