Fotot e publikuara nga Agjencia Franceze “AFP” treguan një klimë “të jashtëzakonshme miqësore” midis ushtarëve rusë dhe amerikanë, në zonën Al-Qahtaniyah të Sirisë lindore.
Fotografi i AFP-së në Sirinë veriore dhe lindore, Dalil Suleiman, publikoi pamjet në Twitter të shtunën e 8 tetorit.
Ai tregon se në foto shfaqen “ushtarët nga një kolonë ushtarake ruse dhe homologët e tyre amerikanë, duke shkëmbyer urime ndërsa rrugët e tyre të patrullimit kalojnë në një fushë nafte, pranë qytetit të Al-Qahtaniyah në fshatin Hasaka”.
Al-Qahtaniyah ndodhet në afërsi të kufirit me Turqinë.
Kjo është hera e parë që ushtarët rusë dhe amerikanë shfaqen në Sirinë lindore, pranë njëri-tjetrit, në një atmosferë “miqësie”.
Skena “miqësore” erdhi vetëm një ditë pasi Shtetet e Bashkuara njoftuan vrasjen e tre liderëve të organizatës “Shteti Islamik”, në dy operacione të veçanta në Sirinë veriore dhe lindore.
Një zyrtar amerikan i tha CBS News të premten se për herë të parë pas një kohe të gjatë, Shtetet e Bashkuara nuk përdorën linjën e saj telefonike të dekonfliktit me Rusinë për t’i njoftuar ata për sulmin dhe praninë e forcave amerikane atje.
“Mungesa e konfliktit ishte pasojë e sigurisë operacionale, jo një reagim ndaj luftës së Rusisë kundër Ukrainës”, shtoi ai.
SHBA-të dhe Rusia kanë përdorur “vijën e dekonfliktit” për të shmangur ndonjë incident të mundshëm kur forcat amerikane ndodhen në rajonin verilindor të Sirisë, ku po operojnë edhe forcat ruse.
Shtetet e Bashkuara mbajnë rreth 900 ushtarë në Siri “për të këshilluar dhe ndihmuar Forcat Demokratike Siriane në luftën kundër Shtetit Islamik”.
Këto forca janë të dislokuara në zona të veçanta të provincave Al-Hasakah, Al-Raqqa dhe Deir Ezzor, si dhe forcat ruse, të cilat janë gjithashtu të dislokuara në disa lokacione në Sirinë lindore.
Në gusht të vitit 2020, rajonet e Sirisë veriore dhe lindore dëshmuan ‘fërkime’ ushtarake midis Shteteve të Bashkuara të Amerikës dhe Rusisë, ku një patrullë ruse u përplas me një automjet amerikan në zonën ku aktivitetet e dy vendeve janë afër njëri-tjetrit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti i thotë Scholzit se shpreson në mbështetjen e Gjermanisë për anëtarësimin e Kosovës në Këshillin e Evropës
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Knaus konsideron se draft-statuti aktual ‘shkel’ Kushtetutën e Kosovës dhe kapërcen ‘vijat e kuqe’ të SHBA-së
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit