Manchester United ka ndryshuar mendim për Paul Pogba-n. “Djajt e Kuq” nuk dëshirojnë ta lënë të lirë në fund të sezonit yllin francez dhe i kanë ofruar rinovimin e kontratës.
28-vjeçari që për shkak dëmitmi e ka humbur sezonin, ka hyrë në gjashtë muajit e fundit të kontratës në “Old Trafford”. Mirëpo, fillimisht u tha se United nuk do i ofronte rinovimin, ndërsa tashmë gjërat kanë ndryshuar.
Padiskutim francezi është ndër mesfushorët më të mirë në botë momentalisht. Cilësitë e tij nuk vihen në dyshim. Ndaj dhe Ralf Rangnick-u duket se ka bindur bordin e United që t’i ofrojnë kontratën e re Pogba-s.
Kampioni i Botës në 2018 me Francën ka një sërë ofertash serioze nga klubet e mëdhenj evropian si Real Madrid-i, Juventus-i dhe PSG-ja.
“The Sun” ka zbuluar se United po përgatit një kontratë rekord për lojtarin që në vitin 2016 pagoi 105 milionë euro te Juventus-i për ta marrë në Angli.
Me kontratën e re, Pogba nëse e nënshkruan do të përfitojë rreth 400 mije paund në javë. Kjo do të thotë se ai mund të bëhet lojtari më i paguar në historinë e Premier League-s.
Pogba është paraqitur në 219 takime me fanellën e United. AI ka shënuar 28 gola dhe ka dhuruar 51 asiste.
Nëse Pogba nuk pranon kontratën e re, atëherë United i ka të qarta synimet në merkato. Emri i parë është Declan Rice i West Ham-it. Alternativa është Ruben Neves-i i Wolverhampton-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Dosja Gërdeci, ekspertët e thirrur për dëshmi kërkojnë të mos jenë pjesë e procesit
-
Goditja e grupit italiano-shqiptar në Firenze: Si pastroheshin paratë në perandorinë e restoranteve
-
Marrëveshja Macron-Scholz: Ukraina duhet të jetë në gjendje të sulmojë bazat në Rusi
-
KFOR-i nderon ushtarët që u plagosën vitin e kaluar nga huliganët serbë në Zveçan
