Ukrainasve u kërkohet të çaktivizojnë vendndodhjen gjeografike në celularë

Ukrainasve u kërkohet të çaktivizojnë vendndodhjen gjeografike në telefonat celularë.

Ky është apeli i sapo publikuar i Ministrisë së Punëve të Brendshme të Ukrainës në kanalin “Telegram”.

“Të dashur qytetarë, kjo është kërkesa e momentit: të gjithë të fikin gjeolokacionin në celularët e tyre dhe të dashurve. Shumica e ‘etiketave’ tashmë janë neutralizuar, armiku ka filluar të lundrojë nga grupet e trafikut të turmave”, vuri në dukje ministria.

Informacioni kërkohet të shpërndahet nëpër komunitete.

Ndërkaq më vonë ky lajm është përgënjeshtruar nga Shërbimi Shtetëror për Komunikime Speciale dhe Mbrojtjen e Informacionit të Ukrainës.

“Gjeolokacioni i aktivizuar në telefon nuk e ndihmon armikun të synojë objektivat. Por ne ju bëjmë thirrje që të mos shpërndani foto dhe video me etiketat tuaja të vendndodhjes për publikun”, thuhet në mesazh.

Pra, shërbimi shpjegoi se telefonat inteligjentë në Android ose iOS nuk e dërgojnë vendndodhjen. Nëse dëshironi të “zhdukeni” – duhet të aktivizoni modalitetin e aeroplanit (airplane mode).

“Mos ndani informacione në biseda publike se si dhe ku është e lehtë të arrini. Vetëm në mesazhe private me miqtë, por më e mira nga të gjitha – në një bisedë telefonike”, përmbyllet reagimi zyrtar.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.