Tregu i aksioneve të Rusisë do të rifillojë gradualisht tregtimin të hënën pas tre javësh pezullimi të shumicës së transaksioneve, tha të premten guvernatorja e Bankës Qendrore të vendit.
Seksioni i aksioneve të Bursës së Moskës (MOEX) do të rifillojë tregtimin me obligacionet e qeverisë federale, tha Elvira Nabiullina në një konferencë shtypi pasi Banka e Rusisë mbajti të pandryshuar normën bazë të interesit në 20%.
“Për të parandaluar paqëndrueshmërinë e tepërt dhe për të siguruar një pozicion të ekuilibruar likuiditeti në këtë segment në fazën e rihapjes, Banka e Rusisë do të blejë bono të qeverisë federale”, tha Nabiullina, sipas një deklarate të lëshuar nga Banka e Rusisë.
“Këto blerje do të bëhen në shumat e nevojshme për të parandaluar rreziqet ndaj stabilitetit financiar”, shtoi ajo.
Nabiullina tha se Banka Qendrore planifikon të shesë të gjithë portofolin e këtyre obligacioneve në mënyrë që të neutralizojë ndikimin në politikën monetare pas stabilizimit të tregjeve financiare.
MOEX ra me 33.3% më 24 shkurt kur Rusia nisi një luftë kundër Ukrainës.
Më 28 shkurt, tregtimi u pezullua deri në një njoftim të dytë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
-
Një person sulmoi Policinë e Kosovës dhe KFOR-in në Leposaviq, të dyshuarit iu gjet një xhaketë ushtarake me emblemë serbe
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Beleri ankimon vendimin e GJKKO-së
