Skuadra londineze nën drejtimin e Jose Mourinho-s, Tottenham, po përgatitet për një merkato të madhe vere.
Gjelat dhe presidenti Daniel Levy kanë bërë të ditur interesin për shumë futbollist, brenda dhe jashtë Premier League-s.
Një ndër ta është edhe 26-vjeçari austriak i Leipzig-ut, Marcel Sabitzer.
Negociatat për rinovim të kontratës kanë shkuar keq mes Sabitzer dhe Leipzig, me futbollistin që do të largohet nga Gjermania këtë verë.
Një zyrtar i Spurs-ave, ka bërë të ditur që klubi është i interesuar për shërbimet e austriakut.
Madje, në muajin janar, presidenti i Tottenham-it ka pasur kontakt me ekipin e ngusht të futbollistit.
Shërbimet e Sabitzer, i ka kërkuar vetë portugezi Jose Mourinho, ashtu siç bëri me danezin Pierre-Emile Hojbjerg verën e kaluar.
Mourinho beson që Sabitzer ka energjinë, fizikun dhe aftësinë teknike që të ketë sukses në Premier League.
Përveç Sabitzer-it, Mourinho ka kërkuar që klubi londinez të ndjekë me vëmendje edhe situatën e Skriniar te Inter-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ukraina ka frikë nga kolapsi, NATO po shqyrton vijat e kuqe për ndërhyrjen e drejtpërdrejtë
-
Travel of Path: Shqipëria, destinacioni me rritjen më të shpejtë në Evropë
-
Të porsalindurit në Luhansk ‘konfiskohen’ nga rusët
-
“CdM” zbardh “detaje” nga takimi Scholz-Spajiç: Kosova në Këshill të Evropës kur të ndërmarrë hapa drejt Asociacionit