Tottenham interesohen ta rikthejnë Eriksen-in në skuadër

Ish-klubi i Christian Eriksen, Tottenham Hotspur, është një nga klubet që mendojnë të nënshkruajnë me mesfushorin këtë verë, sipas The Times.

Eriksen nënshkroi një kontratë afatshkurtër me Brentford në fund të janarit, duke bërë një rikthim të jashtëzakonshëm në futboll vetëm shtatë muaj pasi pësoi një atak kardiak gjatë Kampionatit Evropian.

Ndërkombëtari danez ka pasur një ndikim të menjëhershëm, me Brentfordin fitues pesë nga gjashtë ndeshjet e tij për klubin dhe duke lëvizur 11 pikë larg zonës së rënies.

Marrëveshja e tij skadon në fund të sezonit dhe Spurs, të cilët udhëtojnë për t’u përballur me Brentford në ndeshjen e tyre në Premier League më vonë të shtunën, po konsiderojnë ri-nënshkrimin e 30-vjeçarit nëse ai bëhet i disponueshëm.

Trajneri i Tottenham, Antonio Conte, i cili e nënshkroi Eriksen nga Spurs në janar të vitit 2020, duke i dhënë fund periudhës së tij gjashtëvjeçare e gjysmë në klub, tha përpara ndeshjes së së shtunës: “Unë shoh që në Brentford ata po luajnë ndonjëherë 3-5-2. ose 3-4-3 dhe në 3-5-2, ai po bën të njëjtat gjëra që bëri me Interin duke qenë playmaker i tyre”.

“Kur ke një lojtar me disponueshmëri të madhe për të përmirësuar veten dhe për ta vënë veten në shërbim të skuadrës, është më e lehtë për një menaxher”.

“Christian është një prej këtyre llojeve të lojtarëve. Nuk më kujtohet një herë që ai u ankua kur ishte në pankinë. Një lojtar më i mirë, një top person në çdo moment”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.