Një 18-vjeçar L.M është therur me thikë dje në oborrin e kolegjit “Mehmet Akif”, ku ka pësuar lëndime dhe është dërguar në Spitalin Rajonal të Gjakovës.
Lajmin për Albanian Post e ka konfirmuar zëdhënësi i policisë për rajonin e Gjakovës, Nysret Gjurkaj.
“Me datë 28.04.2022, rreth orës 16:00 Stacioni policor – Gjakovë ka pranuar informatë se një person i therur me thike është duke pranuar tretman mjekësor ne emergjence e spitalit rajonal “Isa Grezda”- Gjakovë”.
Ai tutje ka bërë të ditur se viktima ka pranuar trajtim mjekësor.
“Viktimës i është ofruar tretman mjekësor dhe është liruar për ne shtëpi. Mjeti i mprehte është konfiskuar”.
Gjithashtu nga Policia e Kosovës është thënë se rasti po vazhdon të jetë nën hetime.
Ndërsa me rastin janë duke u marrë të gjitha njësitet relevante policore.
“Patrulla policore me te pranuar informatën iu ka përgjigjur rastit dhe kane takuar viktimën e lartcekur i cili deklaron se pasi kishte përfunduar procesin mësimor ne oborrin e kolegjin “Mehmet Akif”, i dyshuari duke lozur nga pakujdesia me një mjete te mprehte (brisk I vogël) e kishte therur viktimën ne kofshën e majtë duke I shkaktuar lëndim te lehte trupor”.
“Rastit i janë përgjigjur te gjitha njësitet relevante policore. I dyshuari pas intervistimit me urdhër të Prokurorit Kujdestar lirohet ne procedurë te rregullt”, deklaroi Gjurkaj për AP.
Albanian Post ka kontaktuar edhe Spitalin e përgjithshëm në Gjakovë për të u informuar lidhur me këtë rast, nga të cilët është bërë e ditur se gjendja e pacientit është shumë e mirë.
“Gjendja është shumë e mirë nuk ka qenë plagë e thellë, e kanë bërë qepjen ka marrë vaksinat dhe është lëshuar për në shtëpi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
