Shtetet e Bashkuara po rrisin përdorimin e avionëve luftarakë rreth ngushticës strategjike të Hormuzit për të mbrojtur anijet nga kapja iraniane, tha një zyrtar i lartë i Departamentit të Mbrojtjes të SHBA-ve.
Kjo, duke shtuar se SHBA-të janë gjithnjë e më të shqetësuara për forcimin e lidhjeve midis Iranit, Rusisë dhe Sirisë.
Lajmi u bë i ditur nga agjencia amerikane “Associated Press”.
Një zyrtar u tha gazetarëve në Pentagon se SHBA-të do të dërgojnë avionë F-16 në rajonin e Gjirit këtë fundjavë për të mbështetur avionët sulmues A-10 që patrullojnë atje për më shumë se shtatë ditë, shkruan AP-ja.
Zyrtari, i cili foli në kushte anonimiteti, tha se F-16-të do të ofrojnë mbështetje ajrore për anijet që kalojnë nëpër ngushticë si një parandalues kundër sulmeve të mundshme.
Agjencia amerikane tha se masa vjen pasi Irani u përpoq të kapte dy cisterna nafte pranë ngushticës javën e kaluar, duke hapur zjarr ndaj njërës prej tyre.
Marina Amerikane tha se anijet iraniane u larguan kur shkatërruesi amerikan USS McFaul iu afrua atyre.
Ngushtica e Hormuzit është strategjikisht e rëndësishme sepse kontrollon trafikun detar drejt Kuvajtit dhe Irakut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”