Skuadra e Tottenham-it ka lënë pas krahëve humbjen në UEFA Conference League dhe është rikthyer te fitorja. Fitore e cila është e dyta radhazi në Premier League, pas asaj ndaj Leeds-it.
Djemtë e udhëhequr nga Antonio Conte fituan me rezultatin 2-0 përballë Brentford-it në javën e 14 të kampionatit.
Koreano-jugori, Heung-Min Son, ishte heroi i vendasve në këtë takim. Me një gol dhe një “asist”.
Goli i parë i takimit erdhi në minutën e 12, si pasojë e autogolit të Sergi Canos-it. Son-i ishte ai që krosoi topin në zonën kundërshtare, të cilin lojtari mik e dërgoi në rrjetë.
Në pjesën e dytë do të vinte edhe goli i Son-it. Në minutën e 65, mbrojtësi spanjoll Sergio Reguilon e nxjerr të vetëm përballë portierit koreano-jugorin. 29-vjeçari nuk e pati të vështirë ta dërgonte topin në rrjetë.
Me tri pikët e fituara në këtë takim, Tottenham-i i Conte-s shkon në kuotën e 22 pikëve në vendin e gjashtë në renditje. Spurs kanë një ndeshje pa luajtur, atë përballë Burnley-t. Brentford-i qëndron në vendin e 12 me 16 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet