Shqipëria është një vend “i sigurt” dhe njerëzit që ikin prej andej për të kërkuar strehim në Mbretërinë e Bashkuar nuk duhet të marrin në mënyrë rutinore azil, sipas një raporti të publikuar të hënën nga një grup deputetësh ndërpartiak.
Lajmi u bë i ditur nga gazeta britanike “The Guardian” dhe multimedialit “BBC”.
Raporti nga komiteti i përzgjedhur i punëve të brendshme gjeti pak prova që tregojnë se një numër i konsiderueshëm i shtetasve shqiptarë janë në rrezik në vendin e tyre.
Ndër të tjera, dokumenti vërejti se disa shqiptarë që bëjnë kërkesa për azil, kryesisht gra, janë trafikuar.
Ai rekomandon që ky grup të kthehet në Shqipëri vetëm nëse ekzistojnë masat e duhura mbrojtëse.
Komiteti vendosi të shqyrtojë ardhjet shqiptare në MB për shkak të rritjes së madhe të shifrave vitin e kaluar.
Në vitin 2022, më shumë se një e katërta e 45 mijë e 755 njerëzve që kaluan Kanalin me varka të vogla erdhën nga Shqipëria dhe shumica kërkuan azil.
Në harkun kohor të një viti numri i shqiptarëve që mbërrinin në Britaninë e Madhe me këtë rrugë ishte rritur nga 800 në 12 mijë e 301.
Arsyet për rritjen e pjerrët janë të paqarta dhe numrat kanë rënë përsëri ndjeshëm në muajt e fundit.
Kritikët e mbërritjeve me varka të vogla këmbëngulin se Shqipëria është një vend i sigurt.
Komiteti ra dakord dhe raporti i tyre thekson se vendi nuk është në luftë dhe është një kandidat për t’u anëtarësuar në BE.
Nuk ka asnjë bazë të qartë që Mbretëria e Bashkuar të pranojë në mënyrë rutinore mijëra kërkesa për azil nga qytetarët shqiptarë, thuhet në raport.
Deri në qershor 2022, më shumë se gjysma e kërkesave për azil nga Shqipëria u pranuan fillimisht.
Nëntë vende, përfshirë Gjermaninë, nuk pranuan asnjë kërkesë për azil nga Shqipëria.
Raporti i kërkon Ministrisë së Brendshme të shpjegojë pse normat e granteve të azilit, veçanërisht për gratë, kanë qenë kaq të larta.
Britania miratoi gjysmat e kërkesave për azil nga emigrantët shqiptarë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel