Kryeministri i Shqipërisë, Edi Rama, ka zhvilluar një konferencë të përbashkët me ministrin e Jashtëm të Arabisë Saudite, Princin Faisal bin Farhan Al-Saud.
Rama në fjalën e tij, ka shprehur mirënjohjen për përkushtimin e ministrit në vendosjen e marrëdhënieve midis dy vendeve. Duke mbajtur kështu gjallë bashkëpunimin dhe komunikimin.
Sipas tij, pandemia ishte shkaku që u paralizuan shumë shkëmbime, por kjo vizitë është shenjë se “dëshira e miqve sauditë për të thelluar bashkëpunimin me Shqipërinë është e madhe”.
“Do të mbahet mbledhja e Komitetit të Përbashkët, për të adresuar prioritetet në funksion të bashkëpunimit ekonomik, pasi ishte pezulluar nga pandemia”, tha Rama.
Kryeministri u shpreh se, numri i turistëve sauditë në Shqipëri ka pësuar një rritje të ndjeshme falë vendosjes së linjave direkte mes vendeve dhe nxitjes që vetë qeveria saudite i ka bërë kësaj marrëdhënie.
Rama e ka cilësuar vizitën si “hapjen e një kapitulli vizitash dhe takimesh bilaterale”.
Në konferencë nuk ka munguar as ftesa për princin e kurorës.
Rama ka rikujtuar faktin se Arabia Saudite e ka njohur Kosovën dhe ka qenë një mbështetje e “zë me shumë peshë”.
“Dua ta ritheksoj që Arabia Saudite e ka njohur Republikën e Kosovës dhe ka qenë një nga mbështetëset e kandidaturave të Kosovës në institucionet ndërkombëtare, zëri i tyre është me shumë peshë”, tha numri një i qeverisë.
Nga ana tjetër, ministri saudit u tregua besimplotë se Shqipëria dhe Arabia Saudite do të bashkëpunojnë në shumë fusha.
“Ka shumë gjëra që mund të bëjë Arabia Saudite në Shqipëri, dhe do të shikojmë sesi do t’i eksplorojmë këto mundësi në të ardhmen”, tha ministri gjatë konferencës.
Ai shprehu mbështetjen për anëtarësinë e Këshillit të Sigurimit në Organizatën e Kombeve të Bashkuara (OKB).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet