Pas protestateve të dhunshme në Washington, ku mbështetës të presidentit Donald Trump bastisën ndërtesën e Capitol-it, kanë ardhur reagimet e ligjvënësve amerikanë nëpërmjet mediave sociale.
Ish kandidati për president, senatori Mitt Romney, dënoi dhunën, duke akuzuar drejtpërdrejtë presidentin Trump, si fajtor kryesor për ngjarjen. “Këto janë veprimet e një burri me krenari të plagosur”, shkruan Romney. “Mbështetësit e tij do të mbahen mend si turpi i historisë amerikane”.
Ndërkohë, senatori demokrat Joe Manchin, shkruan se “këta banditë nuk do të shpëtojnë”.
Senatori Josh Hawley, falenderoi oficerët e policisë që mbrojtën Capitol-in. “Dhuna duhet të ndalojë. Kush sulmoi policinë duhet të ndiqet penalisht”, shkruan ai.
Senatori Jeff Merkley, i kushtoi rëndësi të veçantë shpëtimit të materialeve zgjedhore. Ai falenderoi stafin e Capitol-it për punën e bërë. “Nëse stafi nuk do të kishte shpëtuar materialet zgjedhore, turrma do t’i kishte djegur”.
Ndërkohë, përfaqësuesja Ilhan Omar, deklaroi se po kërkonte baza kushtetuese për shkarkimin e Trump-it. “Presidenti duhet të shkarkohet menjëherë. Nuk mund të lejojmë qëndrimin e tij në zyrë”, shkruan Omar.
Përsa i përket procesit të certifikimit, senatori republikan Rand Paul, ka thënë se “nuk mund të votojë për deformimin e rezultatit zgjedhor”. Kjo është një përgjigje ndaj kërkesës së presidentit Trump për bllokimin e certifikimit të zgjedhjeve.
Senatori Ted Cruz, ka bërë gjithashtu thirrje për “qetësimin e protestuesve”. Pavarësisht kësaj, ai ka qenë ndër të paktët senatorë republikanë, që ka votuar kundër certifikimit të zgjedhjeve në Arizona dhe Pennsylvania.
Protestat janë dënuar edhe nga presidenti i zgjedhur, Joe Biden, zëvendëspresidentja e zgjedhur, Kamala Harris, si dhe zëvendëspresidenti aktual, Mike Pence.
Ndërkohë, reagime të shumta ka pasur edhe nga ndërkombëtarët./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shtëpia e Bardhë nuk e mbështet hetimin e ICC-së në Izrael
-
Gerard Depardieu lirohet pas marrjes në pyetje në lidhje me sulmet e dyshuara seksuale
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
5 njësi të Ushtrisë Izraelite përgjegjëse për shkelje të rënda të të drejtave të njeriut, thonë SHBA-të
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE