Serie A/ Juventus-i dhe Fiorentina kërkojnë rikthimin te fitorja, në fushë zbret edhe Atalanta
Katër ndeshje do të luhen këtë të martë në Serie A italiane. Në fushë do të zbresin skuadra si Juventus-i, Fiorentina, Atalanta, apo dhe Hellas Verona.
Ndeshjet luhen për javën e 15. Javë e cila do të vijojë me ndeshjet e tjera edhe në datat 1 dhe 2 dhjetor. Java e 16 do të luhet duke filluar nga data 4 dhjetor.
Ndeshja e parë e kësaj të marte në Serie A do të luhet në “Gewiss Stadium”. Atalanta vendase do të presë Venezia-n, duke filluar nga ora 18:30.
28 pikë kanë vendasit në renditje, që mbajnë edhe vendin e katërt. 15 pikë kanë miqtë, që renditen në vendin e 16.
Përballja e fundit mes dy skuadrave në Serie A, ka qenë në vitin 2002. Atalanta fitonte me rezultatin 1-0 në transfertë.
Ndeshja tjetër e orës 18:30 do të luhet në “Artemio Franchi”. Fiorentina do të presë Sampdoria-n. Pas 14 javëve të luajtura, Fiore numëron 21 pikë dhe renditet e gjashta në Serie A. Miqtë kanë 15 pikë dhe renditen të 15-ët.
Përballjen e fundit mes tyre, të luajtur në shkurt të këtij viti e fitoi Spamdoria me shifrat 2-1.
Juventus-i do të kërkojë të rikthehet te fitorja dhe përballë do të ketë Salernitana-n. Ndeshja do të luhet në “Stadio Arechi”, duke filluar nga ora 20:45.
Vendasit e Salernitana-s janë të fundit në renditje, me tetë pikë. Miqtë nga Torino kanë 21 pikë dhe renditen në vendin e shtatë.
Përballja e fundit mes dy skuadrave daton më 2 maj 1999. Salernitana fitonte me rezultatin 1-0. Asokohe, Juventus-i e mbyllte kampionatin në vendin e gjashtë, ndërsa vendasit binin nga kategoria.
Sfida tjetër e mbrëmjes në Serie A do të luhet në “Marc Antonio Bentegodi”. Hellas Verona vendase do të përballet me Cagliari-n.
Vendasit kanë 19 pikë në renditje dhe ndodhen në pozitën e 10 në tabelën e klasifikimit. Miqtë nga Sardenja renditen në vendin e parafundit me tetë pikë, po aq sa Salernitana e vendit të fundit.
Përballjen e fundit mes dy skuadrave e fitoi Hellas Verona. Më 3 prill të këtij viti, miqtë nga Verona triumfonin me rezultatin 2-0 në Sardenjë.
Serie A do të vijojë me ndeshjet e tjera:
Të mërkurën
Inter – Spezia
Bologna – Roma
Genoa – Milan
Sassuolo – Napoli
Të enjten
Torino – Empoli
Lazio – Udinese
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE