Seria A do të luajë ditën e diel pesë sfida të javës së 37-të. Në fushë do të zbresin ekipet që synojnë një vend për në Ligën e Kampionëve, Napoli dhe Milan-i, ekipet që rrezikojnë rënien nga kategoria dhe ato të mesit të artë të tabelës.
Sfida hapëse e ditës së diel në Serinë A është ajo midis Fiorentina-s dhe Napoli-t. Ndeshja do të luhet në “Stadio Artemio Franchi” duke filluar nga ora 12:30.
Vendasit kanë 39 pikë dhe renditen në vendin e 13, duke mos rrezikuar rënien nga kategoria. Napoli ka 73 pikë dhe me një fitore do të parakalonte Juventus-in, për një vend në Ligën e Kampionëve.
Në “Stadio Ciro Vigorito” vendasit e Benevento-s do të presin Crotone-n, e rënë nga kategoria tashmë. Benevento ka 31 pikë dhe renditet në vendin e 18, me katër pikë diferencë dhe Torino e vendit të 17.
“Dacia Arena” do të mirëpresë sfidën midis Udinese-s dhe Sampdoria-s. Të dy ekipet janë në mesin e artë të tabelës, duke mos rrezikuar rënien nga kategoria dhe gjithashtu nuk kanë shanse për kualifikim në Kupat e Europës.
“Ennio Tardini” do të presë sfidën midis Parma-s dhe Sassuolo-s. Vendasit janë të rënë nga kategoria tashmë, duke qëndruar në vendin e fundit të Serisë A me 20 pikë. Situatë ndryshe është ajo e Sassuolo-s. Miqtë qëndrojnë në vendin e tetë me 56 pikë.
Ndeshja e fundit e ditës së diel në Serinë A do të luhet në “San Siro”, ku Milan-i do të presë Cagliari-n. Kuqezinjtë renditen në vendin e tretë të Serisë A me 75 pikë dhe akoma nuk e kanë vulosur kualifikimin për në Ligën e Kampionëve në sezonin e ardhshëm. Cagliari renditet në vendin e 16 me 36 pikë, duke rrezikuar rënien nga kategoria.
Ditën e shtunë u luajtën katër sfida në Serinë A: Roma – Lazio 2-0, Juventus – Inter 3-2, Genoa – Atalanta 3-4 dhe Spezia – Torino 4-1. Ndeshja e fundit e javës së 37-të do të luhet ditën e hënë midis Hellas Verona-s dhe Bologna-s.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
Lajmet kryesore
-
Çuçi u kërkon deputetëve socialistë angazhim për turin e Diasporës, pas suksesit me Athinën
-
Bardhi kërkon ndryshimin e datës për deklarimin në SPAK, lidhur me dosjen ‘Xibraka’
-
Reagon edhe Bullgaria ndaj Davkovës: S’pranojmë deklarata që bien ndesh me Marrëveshjen e fqinjësisë së mirë
-
BE-ja fton Bislimin e Petkoviçin të mërkurën në Bruksel