Nuk kanë të ndalur problemet për futbollistin e Barcelonës, Samuel Umtiti-n.
Qendërmbrojtësi francez iu nënshtrua një operacioni në këmbë gjatë ditës së marte dhe si pasojë e kësaj, ai do ta humbasë pjesën e mbetur të sezonit.
Lajmin e kanë konfirmuar vet klubi i Barcelonës, të cilët përmes një postimi në rrjetet sociale, komunikuan operacionin e qendërmbrojtësit të tyre.
LATEST NEWS | @samumtiti has been successfully operated on for the fracture to the fifth metatarsal of his right foot by Dr. Antoni Dalmau, under the supervision of the Club's Medical Services.
He will be out for approximately three months. pic.twitter.com/P7TrkhLvnl
— FC Barcelona (@FCBarcelona) January 18, 2022
“Samuel Umititi është operuar me sukses në këmbën e tij të djathtë. Koha e rikuperimit të tij është rreth tre muaj”, thuhet mes tjerash në njoftimin e klubit.
28 vjeçari ishte i pafat, teksa lëndimin e kishte pësuar në stërvitje. Francezi në këtë sezon me Barcelonën ka luajtur vetëm një takim (ndaj Osasuna-s më 12 dhjetor), kurse në të gjitha tjerat nuk ishte në dispozicion të ekipit.
Së fundmi Umtiti vazhdoi kontratën me Barcelonën deri në vitin 2026, i cili ishte pajtuar për ulje të pagës, vetëm në mënyrë që blerja e janarit, Ferran Torres, të mund të regjistrohet, pas krizave ekonomike të klubit katalanas.
Kujtojmë që Barcelona e bleu atë në verën e vitit 2016 nga Lyon-i për shumën e 25 milionë eurove.
Mirëpo, prej kohësh ata janë duke kërkuar ta shesin atë, por në rrethana të tilla, kjo tani do të jetë shumë e vështirë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama i shpërfill akuzat e Belerit, i quan histori të politikës greke
-
Komisioni Hetimor për shëndetësinë në ngërç, do të marrë zgjidhje?
-
Erdogan me sytë te Egjeu, energjia dhe emigracioni i parregullt, përpara takimit me Mitsotakis
-
Raundi i 7-të për dinarin gjatë javës – rasti i fundit për zgjidhje apo vazhdim i krizës?
