Rusi qëllon komandantin në qendrën e regjistrimit për të mobilizuarit e luftës

Një shtetas rus me emrin Ruslan Zinin është bërë dëshmitar i një incidenti të rëndë në Irkutsk të Siberisë.

Ai ka qëlluar të hënën e 26 shtatorit një komandant ushtarak në një qendër regjistrimi për të mobilizuarit e luftës në qytetin Ust-Ilimsk.

Komandanti ushtarak ishte kreu i komitetit lokal të draftit ushtarak. Të shtënat ndodhën gjatë pasdites, sipas orës lokale të Irkutsk-it.

Videoja e tij duke hapur zjarr u bë viral në rrjet dhe përdoruesit e mediave sociale dyshojnë se ky mund të jetë fillimi i një rebelimi në Federatën Ruse.

Kreu i zyrës së regjistrimit dhe regjistrimit ushtarak Ust-Ilimsk, tani ai është në kujdesin intensiv.

Sipas dëshmitarëve okularë, sulmuesi tha: “Askush nuk do të luftojë, tani të gjithë do të shkojmë në shtëpi”.

Raportimi u postua nga Andrew Roth, korrespondent i Moskës për gazetën britanike “The Guardian”.

Andrew Roth shtoi se “Disa raporte nga mediat lokale të Irkutsk se komandanti është ende gjallë. Kjo është video e tij duke u transportuar në një barelë”.

25-vjeçari raportohet se ishte jashtëzakonisht i shqetësuar pasi shoku i tij më i mirë ishte thirrur për mobilizim.

Ai vetë nuk kishte marrë fletëthirrje.

Zinin i kishte thënë nënës së tij këtë mëngjes se do të shkonte në qendër për të bërë vullnetar, raporton ASTRA, një agjenci lokale e lajmeve.

Ruslan Zinin u arrestua disa momente më vonë nga autoritetet e zonës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.